Patricia Heaton er yfirlýstur andstæðingur fóstureyðinga
Patricia Heaton, sem er flestum Íslendingum kunn fyrir leik sinn sem Debra Barone, eiginkonu Raymond Barone, í þáttunum Everybody Loves Raymond, er æf yfir frétt CBS um hvernig Downs heilkennið sé svo gott sem að hverfa á Íslandi. Á Íslandi er nær öllum fóstrum sem greinast með Downs heilkennið eytt.
Patricia Heaton segir Íslendinga ekki vera að útrýma heilkenninu heldur séu Íslendingar að drepa alla þá sem hafa heilkennið. Hún telur stóran mun á því tvennu. Heaton er yfirlýstur andstæðingur fóstureyðinga og margoft tjáð sig um það málefni á Twitter og í viðtölum. Árið 2014 vöktu ummæli hennar um að skoðun hennar væri ekki vinsæl í Hollywood athygli.
Iceland isn't actually eliminating Down Syndrome. They're just killing everybody that has it. Big difference. #Downsyndrome #abortion https://t.co/gAONIzqRXW
— Patricia Heaton (@PatriciaHeaton) August 15, 2017
Annar þekktur bandarískur leikari, James Woods, deilir jafnframt frétt CBS á Twitter-síðu sinni. Hann skrifar einfaldlega: „Og þá er það byrjað…“ Woods hefur í seinni tíð verið einna helst þekktur fyrir mjög hægrisinnaðar skoðanir og er hann til að mynda yfirlýstur stuðningsmaður Donald Trump.
And so it begins… https://t.co/XfF9K6oat7
— James Woods (@RealJamesWoods) August 15, 2017
Andstæðingur Trump í forvali Repúblíkanaflokksins fyrir forsetakosningarnar í fyrra deilir jafnframt fréttinni á Twitter-síðu sinni og segir að Íslendingar ættu fremur að láta sér annt um börn með Downs en að eyða þeim.
Truly sad. News celebrating Iceland's "100% termination rate" for children w/ Downs Syndrome. Downs children should be cherished, not ended. https://t.co/GEJGPcFLQg
— Ted Cruz (@tedcruz) August 15, 2017