Despacito verður Besta hverfið

Grindvíkingar með ábreiðu af vinsælasta lagi ársins

Haukur Guðberg Einarsson er appelsínugulur frá toppi til táar.
Appelsínugulur gaur Haukur Guðberg Einarsson er appelsínugulur frá toppi til táar.

Bæjarhátíð Grindavíkur Sjóarinn síkáti fer fram núna um helgina og er mikið um dýrðir. Undanfarna daga hafa bæjarbúar skreytt hús, götur og fleira í hverfislitum hverfanna fjögurra, appelsínugulum, bláum, grænum og rauðum. Góðlátlegt keppni ríkir milli hverfa og að vanda er valið best skreytta hverfið og húsið. En hverfin gera fleira til að keppa innbyrðis, sem dæmi má nefna lagakeppni þar sem hvert þeirra semur eigið lag og texta eða íslenskan texta við erlent lag og er mikill metnaður lagður í verkið.

„Við ákváðum í ár að gera íslenskan texta við puertóíska lagið Despacito sem er vinsælasta lagið um þessar mundir,“ segir Teresa Birna Björnsdóttir, en hún og Hanna Sigurðardóttir eiga Hönter myndir og taka þær að sér að semja texta, sketa og myndbönd fyrir afmæli, brúðkaup, árshátíðir eða aðra viðburði. Eiginmaður Teresu, Þröstur Gylfason samdi íslenska textann með þeim og um söng sjá þau Tómas Guðmundsson, sem þekktur er fyrir frammistöðu hans í The Voice Ísland, Eva Rún Barðadóttir og hinn þrettán ára gamli, Viktor Örn Hjálmarsson.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.