Gylfi Þór Sigurðsson leikmaður Everton er staddur á Íslandi þar sem hann jafnar sig á meiðslum.
Gylfi meiddist í jafntefli gegn Chelsea um liðna helgi þar sem stigið var harkalega á ökkla hans. Sökum þess er Gylfi ekki í landsliðinu.
Gylfi er í endurhæfingu á Íslandi og var mættu í Kaplakrika í morgun þar sem hann reif í járnin, með í för var Geir Hallsteinsson.
Geir er einn merkasti maðurinn á Íslandi þegar kemur að handbolta, breytti leiknum og er af mörgum talinn einn fremsti handknattleiksmaður sem Ísland hefur átt. Þá er hann einnig faðir Loga Geirssonar sem var lengi atvinnumaður í sömu íþrótt í Þýskalandi.
Gylfi og Geir voru mættir í ræktina í Krikanum í dag og má búast við því að æfingin hafi verið hrikaleg. Mynd af þeim er hér að neðan.
