FH spilaði leik í Evrópudeildinni í kvöld er liðið mætti finnska liðinu FC Lahti.
Um var að ræða fyrri leik liðanna af tveimur í undankeppninni en síðari leikurinn fer svo fram í Hafnafirði eftir viku.
FH er í virkilega góðri stöðu fyrir síðari leikinn en liðið vann 3-0 sigur í Finnlandi í kvöld.
Guðmundur Kristjánsson lék með liði FH í dag en hann var tekinn af velli þegar 13 mínútur voru eftir.
Guðmundur var ansi illa farinn er hann yfirgaf völlinn en hann fékk ljótan skurð á ennið eftir átök í leiknum.
Það þarf að sauma Guðmund eftir þessi átök en eins og sjá má hér fyrir neðan lítur skurðurinn mjög illa út.