Ef þér finnst gaman að lesa þá geturðu glaðst yfir að vísindin hafa ítrekað staðfest hversu mikill ávinningur er af því að lesa. Rannsóknir hafa sýnt að reglulegur lestur bætir heilsuna og gerir fólk meira aðlaðandi.

Í bókinni „How To Prevent Dementi“ segir taugalæknirinn Richard Restak að lestur, sérstaklega á fagurbókmenntum, geti verið áhrifaríkasta leiðin til að byggja upp „hugrænan varasjóð“.

Þeim mun stærri sem þessi varasjóður er, þeim mun auðveldara á heilinn með að vinna gegn hnignun hugrænnar getu.

Í rannsókn frá 2022, sem Huffington Post fjallaði um, kemur fram að fólk, sem las tvisvar eða oftar í viku, átti síður á hættu að þróa með sér elliglöp.

Lifestyle ao Minuto segir að rannsókn frá 2023 hafi sýnt fram á að börn, sem lásu í 12 klukkustundir á viku, voru með betri heilabyggingu og þar með betri hugræna getu og andlegt heilbrigði þeirra var betra en hjá þeim sem lásu minna.

Önnur áhugaverð niðurstaða, sem stefnumótasíðan eHarmony skýrði frá, er að fólk, sem sagði að lestur væri eitt af áhugamálum þess. Var 19% líklegra til að fá skilaboð í gegnum stefnumótaapp en þeir sem ekki sögðu lestur vera áhugamál.