Eldsneytiskreppan, sem við stöndum frammi fyrir þessa dagana, kemur illa niður á flugiðnaðinum því verð á flugvélabensíni hefur snarhækkað og hætta er á að skortur getir orðið á flugvélabensíni.

Þessi vandi mun koma illa niður á mörgum flugfélögum að mati  Jozsef Varadi, forstjóra Wizz Air, sem segir að mörg flugfélög muni verða gjaldþrota í september.

Mörg flugfélög eru farin að finna fyrir áhrifum deilna Írans og Bandaríkjanna og lokunar Hormússundsins. Þýska flugfélagið Lufthansa hefur til dæmis aflýst um 20.000 flugferðum fram í október.

Daily Mail hefur eftir Varadi að flugfélögin séu nú þegar farin að finna fyrir áhrifum færri bókana á ferðum seinnipart sumars.

Hann sagði að flugfélög, sem glíma við lélega lausafjárstöðu, muni lenda í miklum vanda í kringum september.