Mest notuðu kóðarnir eru í mestri hættu
Ný greining á umfangsmiklum gagnalekum sýnir að margir velja mjög einfalda pinkóða. Samsetningar á borð við 1234, 0000 og 1111 eru meðal þeirra allra algengustu.
Það er auðvelt að muna þessa kóða en þeir eru líka meðal þeirra fyrstu sem utanaðkomandi reyna að nota.
Margir nota sömu pinkóðana sem þýðir einfaldlega að frekar lítill hópur pinkóða er mest notaður af öllum pinkóðum. Kaipkada skýrir frá þessu.
Vani veikir öryggið
Val á pinkóða er sjaldnast tilviljun eina. Margir velja pinkóða sem er auðvelt að þekkja, til dæmis með endurtekningum eða einföldum talnaröðum. Aðrir nota fæðingarárið eða dagsetningar sem hafa persónulega þýðingu, til dæmis brúðkaupsdaginn. Þetta gerir fólki auðveldara fyrir við að muna pinkóðana en um leið verður auðveldara fyrir óviðkomandi að átta sig á hverjir þeir eru.
Það er auðveldara að finna út hver kóðinn er ef einföld rök eru á bak við samsetningu hans.
Fjögurra talna pinkóði býður fræðilega upp á 10.000 hugsanlegar samsetningar. En í raunveruleikanum er þær mun færri því svo margir velja sömu samsetninguna.
Þeir, sem hafa illt í hyggju, byrja oft á að reyna algengustu pinkóðana og því er fólk í mun meiri hættu ef það notar þá.
Svona velur þú öflugri pinkóða
Það er yfirleitt ekki þörf á að skipta um kort eða tæki, í flestum tilfellum nægir að breyta pinkóðanum þannig að samsetning hans sé ekki eins fyrirsjáanleg.
Þetta er einföld aðgerð sem eykur öryggið mikið.
Öflugur pinkóði fylgir ekki greinilegu mynstri. Hann ætti heldur ekki að byggjast á persónulegum upplýsingum sem aðrir geta giskað á, til dæmis afmælisdaginn þinn.
Mælt er með að velja samsetningu, sem virðist algjör tilviljun séð utan frá, en er um leið hægt að muna. Það á heldur ekki að nota sama pinkóðann fyrir margar þjónustur eða greiðslukort.
