Myndbandið var tekið á eftirlitsmyndavél í kínverskri verksmiðju og sýnir það svart vélmenni, sem búið er að festa í krana, byrja að sveifla höndunum fram og til baka.
Það eykur síðan hraðan og maður sem situr á stól fyrir framan vélmennið sér þann kost vænstan að forða sér til að verða ekki fyrir höggunum. Vélmennið byrjar svo ganga af stað en kraninn gerir það að verkum að það kemst ekki ýkja langt. Tölvuskjár féll meðal annars í gólfið í hamaganginum.
Atvikið átti sér stað þann 1. maí síðastliðinn og hefur það vakið talsverða athygli á netinu.
„Svona byrjar þetta,“ segir til dæmis einn sem Mail Online vitnar til í umfjöllun sinni. „Get ekki beðið eftir stríði vélmenna gegn mönnum,“ segir annar á meðan sá þriðji bætir við: „Gott að vita að það sé að minnsta kosti hægt að stöðva vélmennauppreisnina með krana.“
@dailymail Robot uprising has come early: Footage from China shows a robot attacking engineers during testing 🤖 🎥 X/Nexta_TV #robot #china #news #machines ♬ original sound – Daily Mail
