Í myndbandi, sem hún birti á TikTok, segir hún að þegar flugmenn og aðrir áhafnarmeðlimir komist í „mile high club“ þá séu þeir í vinnunni með vél fulla af farþegum.
„Það eru að minnsta kosti tveir flugmenn í flugstjórnarklefanum og það verða alltaf að vera minnst tveir þar inni allt flugið. Ef flugmaður er svangur eða þarf að pissa, þá verður hann að yfirgefa flugstjórnarklefann og flugfreyja eða flugþjónn verða að fara inn í staðinn. Það er þannig sem fólk kemst í „mile high club“ (sem er „klúbbur“ þeirra sem hafa stundað kynlíf í háloftunum).
Mistt gefur jafnframt í skyn í myndbandinu að hún hafi stundað kynlíf einu sinni eða tvisvar í vinnunni.
Hún segir að til að kynlíf áhafnarmeðlima geti orðið gott þurfi þeir að fylgja ákveðnum reglum.
„Númer eitt – vertu viss um að þú sért að vinna með áhöfn sem þú getur treyst og veit að þú ætlar að stunda kynlíf.“
„Númer tvö – veldu flug sem þú veist að flýgur venjulega þægilega leið.“
„Um leið og þú ert kominn með þetta tvennt, þá er þriðja reglan sáraeinföld: Fáðu einn flugmann til að koma út úr flugstjórnarklefanum og láttu flugfreyju eða flugþjón fara inn í staðinn.“
„Farþegarnir hafa enga hugmynd um hvað fer fram í flugstjórnarklefanum. Vélin er á sjálfstýringu.“
