Suman mat er augljóslega hægt að borða á „rangan“ hátt. Dæmi um slíkt er að bíta í granatepli eins og venjulegt epli eða að borða Babybel ost án þess að taka rauða vaxið utan af honum fyrst. En vissir þú að þú hefur líklega borðað súkkulaðikexið „Chocolate Digestive“ á rangan hátt fram að þessu?

Það er þó kannski huggun í þessu öllu saman að þú er ekki ein(n) um að hafa borðað þetta vinsæla kex, og væntanlega líka aðrar tegundir súkkulaðikexa, á rangan hátt.

McVities hefur framleitt „Chocolate Digestive“ frá 1925 og þar á bæ segir fólk að þegar kexið er borðað sé ætlast til að súkkulaðihjúpaða hliðin snúi niður en flestir láta hana snúa upp þegar þeir bíta í kexið.

Þá má spyrja sig hvort það skipti einhverju máli hvort súkkulaðihjúpaða hliðin snýr upp eða niður? Já, það skiptir máli því með því að láta súkkulaðihjúpuðu hliðina snúa niður þá lendir súkkulaðið á tungunni.

Anthony Coulson, framkvæmdastjóri kexverksmiðjunnar, sagði í samtali við BBC að kexið hafi upphaflega verið hannað til að vera borðað á þennan hátt. Súkkulaðihliðin hafi alltaf verið talin „botninn“ á kexinu.