Það hörmulega slys varð í mars á síðasta ári að Tom McDonald lést eftir að hafa fyrir mistök hellt þvottaefni út á morgunkornið sitt í stað mjólkur.

Þetta kom fram þegar dánardómstjóri fjallað um andlát hans í síðustu viku. Þar kom einnig fram að McDonald greindist með elliglöp fimm árum áður en hann lést. Hann var heima hjá sér þegar hann hellti þvottaefninu út á morgunkornið um miðja nótt. Hann var strax fluttur á sjúkrahús en lést þar.

Dóttir hans bjó hjá honum þegar þetta gerðist og hafði gert í tæp tvö í kjölfar þess að móðir hennar flutti á dvalarheimili. Faðir hennar bjó áfram heima en hann var 92 ára þegar hann lést.

Elliglöp hans versnuðu mikið síðustu fimm mánuði lífs hans að sögn dótturinnar. Hún sagði að hann hafi átt mjög erfitt með að átta sig á hvað klukkan væri og hvort það væri dagur eða nótt. Hún heyrði hann fara á fætur um miðja nótt til að fá sér morgunkorn. Þegar hann skilaði sér ekki aftur upp í rúmið sitt eftir tuttugu mínútur fór hún til að kanna með hann og fann hann á neðri hæðinni. Sagðist hann finna til vanlíðunar eftir að hafa borða eitthvað.

Hún tók síðan eftir því að þvottaefni var í disknum hans. Hún hringdi á sjúkrabíl en eins og áður sagði lést hann á sjúkrahúsinu nokkrum klukkustundum eftir að hann kom þangað að sögn Mirror.