The Guardian skýrir frá þessu og segir að í rannsókninni hafi heilbrigðu fullorðnu fólki verið gefinn lítill skammtur í nef af kórónuveirunni. Var markmiðið að rannsaka hvort sérstakar ónæmisfrumur í nefinu gætu gert út af við veiruna á fyrstu stigum, áður en til fulls smits kæmi.
Þeir sem smituðust ekki af veirunni, voru með mikla virkni í geni sem er talið leggja sitt af mörkum við að láta ónæmiskerfið vita af veru veira í líkamanum.
Marko Nikolic, einn aðalhöfunda rannsóknarinnar, sagði niðurstöðurnar varpi nýju ljósi á snemmbúna atburði sem leyfa veirunni annað hvort að ná fótfestu eða ekki. Nú sé skilningur okkar á viðbrögðum ónæmiskerfisins mun meiri en áður og þetta gæti lagt grunninn að þróun hugsanlegrar meðferðar og bóluefna sem herma eftir þessum náttúrulegu varnarviðbrögðum.
Fyrrnefnt gen heitir HLA-DQA2. Sumir þátttakendanna í rannsókninni reyndust vera með mikla virkni í þessu geni sem lætur ónæmiskerfið vita af veirum. Genið, eða frumur þess, taka litla bita af veirunni og sýna ónæmiskerfinu og segja því að um aðskotaveiru sé að ræða sem þurfi að vinna bug á, sagði Kaylee Worlock, einn aðalhöfunda rannsóknarinnar.
