fbpx
Sunnudagur 21.júlí 2024
Pressan

Megrunarlyfin Wegovy og Ozempic gætu valdið sjaldgæfri og skyndilegri blindu

Pressan
Miðvikudaginn 3. júlí 2024 16:04

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Fólk sem tekur inn lyfin Ozempic eða Wegovy gætu átt á hættu að þróa með sér sjaldgæfa tegund af blindu. Þetta er niðurstaða nýrrar rannsóknar sem fór fram eftir að augnlæknar veittu því eftirtekt að óvenju margir leituðu til þeirra með ástand sem kallast NAION, eða non-arterior ischemic optic neuropathy. Um er að ræða blóðþurrð í auga sem veldur skyndilegri og sársaukalausri sjónskerðingu í öðru auganu.

Þetta ástand mun vera sjaldgæft en læknar hjá Mass Eye lentu í því síðasta sumar að þrír leituðu til þeirra með NAION og það í sömu vikunni. Allir þrír sjúklingarnir voru að taka inn semaglútíðe-lyf sem er virka efnið í Ozempic og Wegovy. Lyfin eru tæknilega sykursýkislyf en hafa notið vinsælda undanfarin ár sem þyngdarstjórnunarlyf.

Læknarnir fóru þá að skoða sjúkraskrár sex ár aftur í tímann og þá sáu þeir að fólk með sykursýki væri fjórum sinnum líklegra til að greinast með NAION ef það var að taka inn semaglútíð og sjúklingar í ofþyngd eða sem glíma við offitu voru rúmlega sjö sinnum líklegri til að glíma við NAION ef þeir voru að taka inn þyngdarstjórnunarlyf með semaglútíð. Áhættan þótti mest á fyrsta ári lyfjatöku.

Rannsóknin var birt í dag í læknaritinu JAMA Ophtalmology. Þar kemur fram að ekki sé um að ræða óyggjandi sönnun um að semaglútíð valdi NAION. Miðað við hversu margir taka inn lyfið þá þykja tilfellin fá, eða um 100 á ári. En þó er talið að þarna sé eitthvað orsakasamband á milli.

Framleiðandi Ozempic og Wegovy, Novo Nordisk, segir að rannsóknin sé ófullkomin þar sem hún byggi ekki á nægilega umfangsmiklum og vönduðum gögnum til að sýna fram á óyggjandi orsakasamhengi milli NAION og semaglútíðs.

„Öryggi sjúklinga er í forgangi hjá Novo Nordisk og við tökum allar tilkynningar um alvarlegar aukaverkanir frá lyfjum okkar alvarlega,“ sagði talsmaður framleiðandans í svari við fyrirspurn CNN.

Læknirinn Joseph Rizzo, sem kennir við Harvard-háskóla, fór fyrir rannsókninni og segir að notkun semaglútíðs hafi aukist alveg gífurlega í hinum iðnvædda heimi og vissulega hafi lyfin sína kosti. Hins vegar telur Joseph að rannsókn hans sýni að læknum sé nauðsynlegt að ræða við fólk um hættuna á NAION áður en því er ávísað lyfið.

Sérfræðingum ber þó saman að rannsóknin þýði ekki að áhættan sé það gífurleg að hún trompi ávinning lyfjanna í að takast á við sykursýki og ofþyngd. Hins vegar þurfi að skoða hvernig lyfið geti valdið NAION og að upplýsa fólk um áhættuna.

Nánar má lesa um rannsóknina hjá CNN

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 dögum

Loftslagsbreytingar hafa áhrif á tímann samkvæmt nýrri rannsókn – „Þetta er vitnisburður um alvarleika loftslagsbreytinga“

Loftslagsbreytingar hafa áhrif á tímann samkvæmt nýrri rannsókn – „Þetta er vitnisburður um alvarleika loftslagsbreytinga“
Pressan
Fyrir 5 dögum

Ökumaður Teslubifreiðar lenti í árekstri og missti stjórn á bílnum í kjölfarið – Sjáðu magnað myndband

Ökumaður Teslubifreiðar lenti í árekstri og missti stjórn á bílnum í kjölfarið – Sjáðu magnað myndband
Pressan
Fyrir 1 viku

600 ára gamall texti líkist vel þekktum texta frá síðari tímum

600 ára gamall texti líkist vel þekktum texta frá síðari tímum
Pressan
Fyrir 1 viku

Er leitinni að Plánetu níu að ljúka?

Er leitinni að Plánetu níu að ljúka?
Pressan
Fyrir 1 viku

Hafa risavaxnir menn einhvern tímann verið til?

Hafa risavaxnir menn einhvern tímann verið til?
Pressan
Fyrir 1 viku

Athyglisverðar myndir prýða 1.600 ára gamlar myntir sem fundust á Ermarsundseyjunum

Athyglisverðar myndir prýða 1.600 ára gamlar myntir sem fundust á Ermarsundseyjunum
Pressan
Fyrir 1 viku

Páfagarður bannfærir erkibiskup sem sagði Frans páfa vera „þjón djöfulsins“

Páfagarður bannfærir erkibiskup sem sagði Frans páfa vera „þjón djöfulsins“
Pressan
Fyrir 1 viku

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu

Færð þú frið í sumarfríinu? Fyrirtæki hafa samband við þriðja hvern starfsmann í sumarfríinu