Ef þú átt nokkra milljarða sem þú þarft að fjárfesta fyrir, þá er einstakt tækifæri núna til að eignast málverk eftir ítalska málarann Tiziana Vecellio.

Málverkið, sem heitir „The Rest of the Flight into Egypt“ verður boðið upp hjá Christie‘s uppboðshúsinu í byrjun júlí að sögn CNN.

Málverkið er af Jesús, Maríu og Jósef að hvíla sig á leið sinni til Egyptalands eftir að hafa komist að því að Heródes kóngur ætlaði að drepa Jesúbarnið.

Reiknað er með að verkið seljist á sem nemur allt að 5 milljörðum íslenskra króna.

Tiziano málið verkið í upphafi feril síns, í byrjun sextándu aldar.

En kaupandinn fær ekki aðeins glæsilegt málverk, því hann fær einnig skemmtilega sögu með því, því málverkið á sér áhugaverða sögu.

Það var í eigu margra evrópskra fyrirmenna en hersveitir Napóleons stálu því þegar þær hertóku Vínarborg 1809. Þaðan var það flutt til Parísar.

Því var skilað til Vínarborgar 1815 og fluttist á milli ýmissa einkasafna eftir það. Að lokum endaði það hjá John Alexander Thynne.

Því var stolið úr Longleat, sem er heimili afkomenda Thynne, árið 1995. Ekkert spurðist til þess í sjö ár en þá fannst það við strætóskýli í Lundúnum.