fbpx
Laugardagur 25.maí 2024
Pressan

Ömurlegt að missa auga: „Ég er miður mín alla daga út af því“

Pressan
Mánudaginn 15. apríl 2024 13:30

Salman Rushdie með eiginkonu sinni, Rachel Eliza Griffiths. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Rithöfundurinn Salman Rushdie segist hafa óttast að hans síðasta stund væri runnin upp þegar hnífamaður réðst á hann í New York sumarið 2022. Rushdie var stunginn nokkrum sinnum, meðal annars í höfuð, en komst lífs af.

Hann ræddi atvikið í viðtali við breska ríkisútvarpið, BBC, um helgina en Rushdie missti hægra augað í árásinni. Árásarmaðurinn, hinn 24 ára Hadi Matar, var yfirbugaður eftir árásina.

Rushdie hefur ekki átt sjö dagana sæla undanfarna áratugi, eða allt frá því að bókin Söngvar Satans kom út árið 1988. Bókin olli miklu fjaðrafoki vegna þeirrar myndar sem dregin var upp af Múhameð spámanni og var Rushdie til að mynda dæmdur til dauða af æðstaklerki Írans fyrir bókina.

„Ég man að ég hélt ég væri að deyja. Sem betur fer hafði ég rangt fyrir mér,“ segir Rushdie í viðtalinu við BBC en tilefni viðtalsins er útgáfa bókarinnar Knife þar sem hann fjallar meðal annars um árásina og afleiðingar hennar.

Hann rifjar upp að árásarmaðurinn hafi sprett að honum og ráðist fyrirvaralaust á hann. Alls var Rushdie stunginn 12 sinnum en árásin varði í um 27 sekúndur í það heila.

„Ég hefði ekki getað barist gegn honum. Ég hefði ekki getað hlaupið burt,“ segir hann.

Rushdie var fluttur alvarlega slasaður á sjúkrahús þar sem hann dvaldi í sex vikur eftir árásina. Árásin hafði óafturkræfar afleiðingar í för með sér; hann missti auga og þá sködduðust taugar í annarri hönd hans.

„Það er ömurlegt að hafa misst auga og ég er miður mín alla daga út af því,“ segir hann en kveðst þó heppinn að hafa sloppið við alvarlegri áverka eins og heilaskaða.

Í viðtalinu segist hann oftsinnis hafa hugsað að eitthvað þessu líkt myndi gerast: Að einhver úr stórum hópi áhorfenda myndi ráðast á hann og reyna að drepa hann.

Hann kveðst hafa fengið fyrirboða um árásina í gegnum draum tveimur dögum fyrir viðburðinn. Í kjölfarið hafi hann verið tvístígandi um það hvort hann ætti að halda umræddan fyrirlestur. „Svo hugsaði ég með mér, þú veist, þetta er bara draumur. Og þar að auki er verið að borga mér vel fyrir fyrirlesturinn og fullt af fólki er búið að kaupa miða. Ég ætti að fara.“

Rushdie hefur ekki hitt árásarmann sinn eftir árásina en mun að líkindum gera það þegar réttarhöld hefjast yfir honum, líklega með haustinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Kæfði stjúpmóður sína með kodda – Montaði sig af morðinu á Snapchat

Kæfði stjúpmóður sína með kodda – Montaði sig af morðinu á Snapchat
Pressan
Fyrir 2 dögum

Martröð í háloftunum: Flugmaður útskýrir af hverju svæðið er svona varasamt

Martröð í háloftunum: Flugmaður útskýrir af hverju svæðið er svona varasamt
Pressan
Fyrir 3 dögum

Eitt mest smitandi kórónuveiruafbrigðið breiðist út

Eitt mest smitandi kórónuveiruafbrigðið breiðist út
Pressan
Fyrir 3 dögum

Myrti 5 manns vegna farsíma

Myrti 5 manns vegna farsíma
Pressan
Fyrir 3 dögum

Segir að Bandaríkin eigi að hluta sök á dauða forseta Írans

Segir að Bandaríkin eigi að hluta sök á dauða forseta Írans
Pressan
Fyrir 4 dögum

Ringulreið í Napólí eftir öflugan jarðskjálfta – Upptökin í risastóru eldfjalli

Ringulreið í Napólí eftir öflugan jarðskjálfta – Upptökin í risastóru eldfjalli
Pressan
Fyrir 4 dögum

Sprenglærðir bræður í vondum málum: Stálu 3,4 milljörðum á 12 sekúndum

Sprenglærðir bræður í vondum málum: Stálu 3,4 milljörðum á 12 sekúndum
Pressan
Fyrir 5 dögum

Ung hjón elska að lifa eins og fólk gerði fyrir 80 árum

Ung hjón elska að lifa eins og fólk gerði fyrir 80 árum