fbpx
Sunnudagur 21.apríl 2024
Pressan

Spila drungalegu hljóðin sem gáfu viðbragðsaðilum von í leitinni að kafbátnum Titan

Pressan
Fimmtudaginn 29. febrúar 2024 11:30

Mynd: AP

Ekki missa af Helstu tíðindum dagsins í pósthólfið þitt

Lesa nánar

Feigðarför kafbátsins Titan vakti mikla athygli síðasta sumar. Kafbáturinn, sem var gerður út á vegum OceanGate, var á leið í útsýnisferð um brak skipsins Titanic. Fljótlega eftir að kafbáturinn hóf köfun virtist hann hverfa sporlaust, og allt samband við hann rofnaði.

Björgunaraðilar gerðu sér grein fyrir að skjót viðbrögð skiptu öllu, enda kafbáturinn lítill, fimm farþegar um borð og súrefnið takmarkað. Fréttamiðlar um allan heim greindu frá leitinni á meðan klukkustundirnar þar til súrefnið myndi klárast voru taldar niður. Ekkert bólaði þó á Titan.

Síðan bárust þau tíðindi að frá mælitæki hefðu greint bank á hafsbotni þar sem Titan sökk. Vonir stóðu til þess að bankið væri áhöfn Titan að gera vart við sig og var enn meira púður sett í leitina, áður en það yrði um seinan. Bankið þótti sannfærandi enda heyrðist það á um hálftíma fresti og bergmálaði um djúpin. Svona kerfisbundið bank gæti aðeins verið að mannavöldum. En ekkert bólaði þó á Titan.

Tíminn rann út og ljóst að jafnvel þó kafbáturinn hefði komist áfallalaust á hafsbotninn þá væri öll von úti um að bjarga áhöfninni. Nú væri um leit að líkamsleifum að ræða.

Þegar Titan loks fannst varð umsvifalaust ljóst að kafbáturinn fórst á sama tíma og sambandið rofnaði við hann, og aldrei nokkur von um að bjarga áhöfninni. Eitthvað hafði farið úrskeiðis við köfun sem ölli því að kafbáturinn féll saman undan þrýstingi hafsins. Atburðarásin er talin hafa tekið örfáar sekúndur og að farþegar hafi umsvifalaust látið lífið.

Í kjölfarið lá OceanGate undir gagnrýni. Bæði fyrir að bjóða rándýrar ferðir fyrir milljónamæringa í leit að spennu sem og fyrir að hafa gróflega vanrækt öryggismál.

Mál Titan vakti eins og áður segir heimsathygli og nú er að koma út heimildarmynd sem fjallar um dauðadæmdu leitina að kafbátnum. Þar má í fyrsta sinn heyra upptöku af áðurnefndu banki, sem er nú sérlega drungalegt í ljósi örlaga Titan. Enn í dag er ekki vitað hvaðan bankið kom.

„Þetta gæti verið einhver að banka. Samhverfan á milli bankanna er mjög óvenjuleg,“ heyrist kafbátasérfræðingur segja í myndinni. „Þetta er taktfast, það er eins og einhver sé að framkalla þetta hljóð og að það sé svo endurtekið er mjög óvenjulegt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Hvalur sprakk í tætlur

Nýlegt

Pressan
Í gær

Tannlæknir deilir ofureinföldu „tannbjörgunarráði“ fyrir kaffidrykkjufólk

Tannlæknir deilir ofureinföldu „tannbjörgunarráði“ fyrir kaffidrykkjufólk
Pressan
Í gær

Hversu oft á að þvo handklæði og sængurver?

Hversu oft á að þvo handklæði og sængurver?
Pressan
Fyrir 2 dögum

Varpa sprengju inn í Gilgo-morðmálið – Er lögreglan að fela eitthvað ?

Varpa sprengju inn í Gilgo-morðmálið – Er lögreglan að fela eitthvað ?
Pressan
Fyrir 2 dögum

Lögð í einelti í menntaskóla – Nú vilja gerendurnir ólmir vinna hjá henni

Lögð í einelti í menntaskóla – Nú vilja gerendurnir ólmir vinna hjá henni
Pressan
Fyrir 3 dögum

Varpa fram athyglisverðri kenningu um hamfararigninguna í Dúbaí

Varpa fram athyglisverðri kenningu um hamfararigninguna í Dúbaí
Pressan
Fyrir 3 dögum

Kvikmyndafyrirtæki með 21 Óskarsverðlaun á ferilskránni leggur upp laupana

Kvikmyndafyrirtæki með 21 Óskarsverðlaun á ferilskránni leggur upp laupana
Pressan
Fyrir 4 dögum

Vaxandi áhyggjur af nýjum heimsfaraldri

Vaxandi áhyggjur af nýjum heimsfaraldri
Pressan
Fyrir 4 dögum

Við fórum heim til hans eftir stefnumótið – Síðan festist typpið hans í teinunum mínum

Við fórum heim til hans eftir stefnumótið – Síðan festist typpið hans í teinunum mínum