Það þarf auðvitað að þrífa airfryerinn og því getur verið freistandi að skella bökunarpappír í hann til að draga úr þrifunum. En það er ekki snjallt, því það getur valdið vandamálum og þannig dregið úr kostum þessarar „lausnar“.
Það virðist góð lausn að nota bökunarpappír en margir framleiðendur airfryer vara fólk við að setja hann í tækin.
Meðal þeirra er Philips sem bendir á að pappírinn haldi aftur af loftstreyminu, sem gerir airfryerinn svo áhrifaríkan, en það þýðir að maturinn eldast ekki jafnt og tækið nota meira rafmagn en ella.
Ef pappírinn er settur í körfuna án þess að matur sé settur ofan á hann eða á meðan þú forhitar tækið, þá getur loftstreymið látið pappírinn fljúga upp og hann getur lent á hitagjafanum. Þá getur hann sviðnað og í versta falli kviknar í honum.
Neytendur eru því hvattir til að hugsa sig vel um og forðast að setja bökunarpappír í airfryer og skiptir þá engu þótt um sérhannaðan pappír, fyrir airfryer, sé að ræða.
Þess í stað skaltu ganga úr skugga um að það megi setja körfuna í uppþvottavél og það er líka hægt að nota sílikoninnlegg í tækið. Þau eru margnota.
