fbpx
Föstudagur 04.apríl 2025
Pressan

Elon Musk hafður að háði og spotti fyrir vanstillta framkomu á Trump-fund – „Jafnvel Trump finnst Musk vera furðufugl“

Pressan
Þriðjudaginn 8. október 2024 17:30

Ekki missa af Helstu tíðindum dagsins í pósthólfið þitt

Lesa nánar

Elon Musk er nú hafður að háði og spotti í netheimum. Tilefni háðsins er furðulegt háttalag hans á kosningafundi Trump á laugardaginn.

Þar hoppaði milljarðamæringurinn af gleði á sviðinu fyrir aftan Trump, eins og hann væri eins konar klappstýra. Um tíma virtist jafnvel Trump, sem sjálfur getur verið frekar óheflaður, misbjóða en á myndum sést hann gefa auðkýfingnum hornauga.

„Jafnvel Trump finnst Musk vera furðufugl,“ skrifaði einn á Twitter.

Aðrir báru Musk saman við barn sem er komið með svefngalsa. En það voru ekki bara hoppin sem fólki þóttu neyðarleg. Musk fór eins með furðulega ræðu þar sem hann kallaði sjálfan sig myrkur-MAGA, en MAGA er skammstöfun Trump á frasanum: Gerum Bandaríkin frábær að nýju. Dark-MAGA er minna þekkt en vísar til jaðarhóps rótækra stuðningsmanna Trump sem aðhyllast eins konar einræðishyggju og sjá Trump fyrir sér sem mann sem er tilbúinn að gera hvað sem er til að ná stefnumálum sínum fram. Musk kallaði Trump hugrakkan á fundinum. Hann segir Trump vera  hetju tjáningarfrelsis andspænis demókrötum sem ætli að svipta Bandaríkjamenn þeim mikilvægu mannréttindum. „Þau vilja svipta okkur tjáningarfrelsinu, þau vilja svipta okkur réttinum til að bera vopn, þau vilja svipta okkur kosningarétti.“

Fundurinn var heilt yfir hástemmdur, enda haldinn í Butler, Pennsylvaniu þar sem Trump varð fyrir banatilræði í sumar. Trump bað gesti að fylgja sér í stundarþögn til að minnast tilræðisins, þess sem lést og þeirra sem slösuðust. Síðan söng óperusöngvari lagið Ave Maria á meðan gestir tóku niður hatta, þurrkuðu tár af hvarmi og sumir féllu niður á kné.

„Þetta eru mikilvægustu kosningar lífs okkar. Þetta eru engar venjulegar kosningar,“ sagði Musk sem hvatti gesti til að fá alla sem þau þekkja og þekkja ekki til að skrá sig á kjörskrá. „Ef ekki þá verða þetta síðustu kosningar lýðræðisins“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra

Elon Musk tapaði kosningunum sem hann reyndi að kaupa – Eyddi gífurlegum peningum en gerði líklega illt verra
Pressan
Í gær

Svínalifur grædd í manneskju í fyrsta sinn

Svínalifur grædd í manneskju í fyrsta sinn
Pressan
Fyrir 3 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 3 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 4 dögum

Hún var kölluð Lafði Dauði

Hún var kölluð Lafði Dauði
Pressan
Fyrir 4 dögum

Ný gögn frá NASA benda til að við eigum heima í svartholi

Ný gögn frá NASA benda til að við eigum heima í svartholi