fbpx
Miðvikudagur 02.apríl 2025
Pressan

Sár og reiður eftir að hafa þurft að skríða á klósettið

Pressan
Þriðjudaginn 1. október 2024 11:39

Ekki missa af Helstu tíðindum dagsins í pósthólfið þitt

Lesa nánar

Breski blaðamaðurinn Frank Gardner er allt annað en sáttur við meðferðina sem hann fékk um borð í flugvél pólska flugfélagsins LOT á dögunum.

Gardner er lamaður fyrir neðan mitti og notast við hjólastól en engin slík hjálpartæki er að finna um borð í flugvélum pólska flugfélagsins.

Færsla sem Frank birti á X, áður Twitter, hefur vakið talsverða athygli en með henni fylgir mynd sem sýnir hann liggja á gólfi vélarinnar.

Gardner lamaðist árið 2004 þegar hann var skotinn af liðsmönnum al-Qaeda í Sádí-Arabíu.

„Vá. Það er 2024 og ég var að skríða eftir gólfinu í vél LOT Polish airline til að komast á klósettið,“ sagði hann í færslu sinni og bætti við að hann hefði fengið þau svör frá starfsfólki um borð að það væri ekki í „stefnu flugfélagsins“ að bjóða upp á hjólastóla fyrir fatlaða farþega.

Gardner var á leið frá Varsjá til London þegar hann þurfti skyndilega að fara á klósettið. Gaf hann sig á tal við starfsfólk sem tjáði honum að engir hjólastólar væru í boði. Hann sá því þann kost vænstan að skríða á klósettið sem hann og gerði.

Bætti hann við að starfsfólk um borð hefði verið mjög vingjarnlegt og ekkert væri við þá að sakast en flugfélagið þurfi að endurskoða þessa stefnu sína. „Ég mun ekki fljúga með LOT fyrr en þeir koma sér inn á 21. öldina,“ sagði hann.

Gardner mætti svo í BBC Breakfast í morgun þar sem hann ræddi málið nánar. Benti hann á að það væri ekki flókið mál að bjóða upp á hjólastóla eða sambærileg hjálpartæki til að létta hreyfihömluðum farþegum lífið. „Það eru til stólar sem hægt er að brjóta saman og taka lítið sem ekkert pláss,“ sagði hann meðal annars.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ný rannsókn – Erfðir skipta meira máli en það sem þú borðar

Ný rannsókn – Erfðir skipta meira máli en það sem þú borðar
Pressan
Fyrir 2 dögum

Hversu oft á að skipta á rúminu?

Hversu oft á að skipta á rúminu?
Pressan
Fyrir 3 dögum

Gera 500 götur í París að göngugötum

Gera 500 götur í París að göngugötum
Pressan
Fyrir 3 dögum

Þetta þénuðu geimfararnir sem sátu fastir í geimnum í 9 mánuði

Þetta þénuðu geimfararnir sem sátu fastir í geimnum í 9 mánuði
Pressan
Fyrir 4 dögum

Barnið sagði að það væri skrímsli undir rúminu – Barnapían fékk áfall þegar hún kíkti sjálf

Barnið sagði að það væri skrímsli undir rúminu – Barnapían fékk áfall þegar hún kíkti sjálf
Pressan
Fyrir 4 dögum

Busavígsla fór úr böndunun: „Við viljum ekki tala um það sem gerðist fyrir framan hann“

Busavígsla fór úr böndunun: „Við viljum ekki tala um það sem gerðist fyrir framan hann“