Þetta gengur út á að kanna þolmörk sín í flugferðum. Það má ekki nota farsímann í fluginu, ekki horfa á neitt á skjánum, sem er í sumum flugvélum, og þeir sem taka þetta allra lengst drekka ekkert í fluginu, borða ekkert og sofa ekki. Enn aðrir ganga síðan enn lengra og neita sér algjörlega um salernisferði í fluginu sem og að standa upp og skiptir þá engu hversu langt flugið er.
Eins og fyrr sagði þá er þetta mjög vinsælt á TikTok og aðallega meðal karla. Fólk skýrir frá upplifun sinni af því að sitja í flugvél í margar klukkustundir án þess að hafa nokkra afþreyingu. Það er þó eitt sem er undanþegið afþreyingarbanninu og það er að horfa á skjáinn fyrir framan sig en bara á upplýsingar um flugið, það er að segja kort þar sem flugleiðin er sýnd. Það má líka lesa öryggisleiðbeiningarnar sem er að finna í sætisvasanum fyrir framan hvert sæti.
Grunnhugmyndin með þessu að leiða hugann frá öllu í umhverfinu og fara inn í sjálfan sig. Um leið gengur maður nærri sínum andlegu og líkamlegu mörkum.
CNN segir að það séu aðallega karlar sem stunda því því „karlar kunna vel við áskoranir“. Michael Ceely, sálfræðingur, sagði í samtali við miðilinn að það sé örugglega frekar félagslega samþykkt að karlar stæri sig af einhverju þessu líku.
