Þegar þú ert niðurdregin(n) og hefur ekki tíma til að beita hefðbundnum aðferðum til að hressa þig við, þá geturðu fylgt hinu klassíska ráði að gera þér upp bros til að reyna að plata sjálfa(n) þig til að vera hamingjusamari.

En getur það að gera sér upp bros virkilega hresst mann við?

Marie Cross, aðjúnkt í lífhegðun við Penn State University, sagði í samtali við Live Science að þessi spurning hafi lengi verið umdeild meðal vísindamanna. Á síðustu árum hafi rannsóknir, að hennar mati, sýnt fram á að svarið sé nokkuð ljóst – Það að þvinga sig til að brosa geti bætt skapið, að minnsta kosti þegar það er gert í rannsóknarstofum.

Í grein, sem birtist í Psycholigical Bulletin 2019, kemur fram að það að brosa og hlæja getur ekki aðeins aukið hamingjuna heldur einnig búið hana til.

„Þetta er eins og munurinn á að brosa þegar horft er á ljósmynd af hvolpi og að brosa að auðum vegg,“ sagði Nicholas Coles, aðalhöfundur rannsóknarinnar.  Hann sagði að svo virðist sem bros geti ekki aðeins aukið á hamingjuna, heldur einnig gert fólk hamingjusamt við aðstæður þar sem er í raun engin ástæða til að vera hamingjusamur.