fbpx
Fimmtudagur 23.maí 2024
Pressan

Talíbanar vilja fá fleiri ferðamenn til landsins

Pressan
Sunnudaginn 12. maí 2024 07:30

Frá Kabúl.

Ekki missa af Helstu tíðindum dagsins í pósthólfið þitt

Lesa nánar

Um 30 karlar sóttu nýlega námskeið á vegum Talibana í Kabúl í Afganistan. Námskeiðið snýst um að þjálfa fólk til starfa í ferðamannaiðnaði landsins sem er nú ekki mjög umfangsmikill né blómlegur.

Það kemur væntanlega fáum ef nokkrum á óvart að afganski ferðamannaiðnaðurinn sé ekki blómlegur enda má spyrja sig hver hefur áhuga á að heimsækja land þar sem harðlínumenn ráða ríkjum og hika ekki við að taka fólk af lífi fyrir minnstu sakir, auk þess sem þeir kúga konur og neita þeim um lágmarks mannréttindi.

Konur mega auðvitað ekki sækja fyrrgreint námskeið því stúlkur mega aðeins sækja skóla upp í sjötta bekk og eru útilokaðar frá að sækja sér menntun eftir það.

Efnahagslíf landsins er í molum, innviðirnir eru illa farnir og fátækt einkennir samfélagið. Independent segir að þrátt fyrir þetta leggi útlendingar leið sína til landsins en þeir eru ekki margir. 2021 voru þeir 691, 2022 voru þeir 2.300 og á síðasta ári voru þeir 7.000.

Ástæðan fyrir því að þessar örfáu hræður leggja leið sína til landsins eru fréttir um að dregið hafi úr ofbeldisverkum, fleiri flugferðir eru í boði en áður, til dæmis til Dúbaí, og síðan freistar það sumra að geta montað sig af að hafa heimsótt þennan óvenjulega áfangastað.

Talsmaður ferðamálayfirvalda sagði að flestir ferðamannanna séu frá Kína og skýrir það með nálægðinni og þess hversu margir Kínverjar eru. Afganar hafa einnig ákveðið forskot á suma nágranna sína. Talsmaðurinn sagði að sumir kínversku ferðamannanna, og einnig japanskir ferðamenn, hafi sagt honum að þeir vilji ekki fara til Pakistan vegna þess hversu mikil hætta sé á að á þá verði ráðist þar.

En það er ekki einfalt mál að skella sér til Afganistan. Það er erfitt og dýrt að fá vegabréfsáritun til landsins. Mörg ríki slitu öllu sambandi við Afganistan eftir að Talibanar komust aftur til valda og ekkert ríki viðurkennir þá sem lögmæta valdsherra landsins.

Afgönsk sendiráð eru ýmist lokuð eða þá hefur starfsemi þeirra verið stöðvuð tímabundið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ringulreið í Napólí eftir öflugan jarðskjálfta – Upptökin í risastóru eldfjalli

Ringulreið í Napólí eftir öflugan jarðskjálfta – Upptökin í risastóru eldfjalli
Pressan
Fyrir 2 dögum

Góður fengur hjá spænsku lögreglunni

Góður fengur hjá spænsku lögreglunni
Pressan
Fyrir 3 dögum

Íþróttafréttamaður handtekinn fyrir að nauðga barni

Íþróttafréttamaður handtekinn fyrir að nauðga barni
Pressan
Fyrir 4 dögum

Svona er best að losna við mosa úr garðinum

Svona er best að losna við mosa úr garðinum