Í nýrri rannsókn, sem hefur verið birt í vísindaritinu Nature Astronomy, kemur fram að loftsteinninn, sem heitir Kamo‘oalewa, gæti hafa komið úr Giordano Bruno gígnum á bakhlið tunglsins. Hann gæti hafa skotist út í geim þegar 1 kílómetra breiður loftsteinn skall á tunglinu og myndaði Girodano Bruno gíginn.
Stærð loftsteinsins, aldur og það hvernig hann snýst, auk þess hvernig hann endurvarpar birtu, passar við gíginn sem er 22 kílómetra breiður.
Kínverjar hyggjast senda geimfar til loftsteinsins á næsta ári og á það að taka sýni úr honum og flytja til jarðarinnar að sögn Space.com.
Kamo‘oalewa fannst 2016 af vísindamönnum við Haleakala stjörnuskoðunarstöðina á Havaí. Hann eru um 30 til 60 metrar í þvermál og snýst einn hring um sjálfan sig á 28 mínútum. Hann er á svipaðri braut og jörðin um sólina.