Angan af hvítlaukspiparmajónesi, þangsalti og frönskum kartöflum Þetta er nokkurn veginn lýsingin á ilminum af nýju ilmvatni sem McDonald‘s í Japan er að setja á markað.

Bild skýrir frá þessu og segir að McDonald‘s í Japan hafi birt mynd af þessu nýja og óvenjulega ilmvatni á samfélagsmiðlinum X í síðustu viku.

Fyrirtækið lýsir ilmvatninu á einfaldan hátt: „Við höfum búið til ilmvatn sem angar af frönskum kartöflum.“

Þetta hefur vakið mikla athygli en enn hefur ekki komið fram hvenær ilmvatnið kemur á japanska markaðinn né hvað það mun kosta.

Spurningin er bara hvort það komi fleiri ilmtegundir frá McDonald‘s á markað? Hvað með BigMac ilmvatn?