People segir að hann hafi skotið foreldra sína Reuben Olalde og Aida Garcia og systur sína Lisbet Olalde og bróður sinn, Oliver Olalde.
Olalde var handtekinn 23. maí eftir umsátur lögreglunnar í Nash, sem er lítill bær við ríkjamörkin að Arkansas. Lögreglan segir að umsátrið hafi hafist þegar henni barst tilkynning um að mann sem hefði unnið fjölskyldu sinni mein og hefði í hótunum um að taka eigið líf.
Þegar lögreglan kom á vettvang var Olalde inni í húsinu og var lögreglunni sagt að nokkur lík væru einnig inni í því.
NBC News segir að Olalde hafi hringt í lögregluna og sagt að hann hafi tekið í gikkinn og skotið fjölskyldu sína.
Hann gafst upp eftir samningaviðræður við lögregluna. Þegar lögreglumenn fóru inn í húsið fundu þeir fjögur lík. Sagði talsmaður lögreglunnar að svo virðist sem fólkið hafi verið skotið á mismunandi stöðum í húsinu. Fjöldi skothylkja fannst á gólfinu og blóðslettur voru víða um húsið.
Það var vinnufélagi Lisbet uppgötvaði hvað hafði gerst á heimilinu. Hann fór heim til hennar til að kanan með hana því hún skilaði sér ekki til vinnu. Hann komst inn í húsið og mætti þá Olalde sem beindi skammbyssu að honum og sagðist hafa skotið fjölskyldu sína því þau væru mannætur sem hafi ætlað að borða hann.