CBS News skýrir frá þessu og segir að konan hafi heitið Claudette Jean Zebolsky Powers. Hún fæddist í Michigan 1962 og flutti til San Diego 1983 eða 1984. Fjölskylda hennar hafði ekki heyrt frá henni síðan í september 1984, tveimur árum áður en hún fannst myrt.
Lögreglunni tókst að komast að hver hún var með því að nota nýja tækni við rannsóknir á erfðaefni.
En nú er einni stórri spurningu ósvarað: Hver myrti hana?
„Það tók 37 ár að bera kennsl á hana, hver hún var, leysa þessa ráðgátu. Nú verðum við að sviðsetja allt líf hennar. Hvar bjó hún, hvar vann hún og hvern þekkti hún? Átti hún í sambandi við einhvern? Hverjir voru bestu vinir hennar? Þetta er alveg ný ráðgáta,“ sagði talsmaður lögreglunnar í samtali við KFMB-TV.
Laura Freese, systir Claudette, sagði í yfirlýsingu fyrir hönd fjölskyldu sinnar að henni sé illa brugðið. „Þetta hefur verið mjög erfitt fyrir fjölskylduna. Einhver veit hvað gerðist. Nágranni eða einhver annar sem þekkti hana veit hvað gerðist. Ef þú ert enn á lífi og veist hvað kom fyrir hana, vertu svo væn/n að gefa þig fram,“ segir í yfirlýsingunni.
Lögreglan rannsakar einnig annað andlát á svæðinu á svipuðum tíma. Það var karlmaður sem fannst látinn. Ekki hefur enn tekist að bera kennsl á hann. talsmaður lögreglunnar sagði að málin geti hugsanlega tengst.