Það að fá reglulega góðan nætursvefn getur dregið mjög úr líkunum á að þróa með sér astma.

Þetta eru niðurstöður nýrrar rannsóknar, sem hefur verið birt í BMJ Open Respiratory Research, að sögn The Guardian.

Astmi hrjáir um 300 milljónir manna um alla heim. Vísindamenn vita ekki af hverju sumir þróa astma með sér en aðrir ekki.

Nýja rannsóknin varpar kannski ljósi á þetta því samkvæmt niðurstöðum hennar þá eykur lélegt svefnmynstur hættuna á að fólk verði móttækilegt fyrir astma, hugsanlega tvöfaldar það hættuna.

Þar sem heilbrigt svefnmynstur virðist draga úr líkunum á astma telja vísindamennirnir, sem gerðu rannsóknina, að það að greina lélegt svefnmynstur og takast á við það geti dregið úr hættunni á að fólk fái astma.