Sky News skýrir frá þessu og bendir á að Cristopher Wray, forstjóri alríkislögreglunnar FBI, hafi nýlega sagt að FBI telji að veiran hafi „langlíklegast“ sloppið út frá kínverskri rannsóknarstofu síðla árs 2019.
Biden fyrirskipaði bandarískum leyniþjónustustofnunum og löggæslustofnunum að rannsaka uppruna veirunnar árið 2021. Nú hefur Biden staðfest lög sem kveða á um að niðurstöður þessara rannsókna verði gerðar opinberar.
Biden sagði að komast verði til botns í uppruna COVID-19 til að hjálpa okkur að koma í veg fyrir faraldra af þessu tagi í framtíðinni.
Umrædd lög runnu auðveldlega í gegnum báðar deildir þingsins. Samkvæmt þeim má aðeins leyna upplýsingum sem geta „skaðað þjóðaröryggi“. Önnur skjöl verður að gera opinber innan 90 daga.