fbpx
Föstudagur 02.júní 2023
Pressan

75.000 demantar hafa fundist í bandarískum þjóðgarði

Pressan
Föstudaginn 24. mars 2023 20:29

Engin smásmíði þessi. Mynd:Gem Diamonds

Ekki missa af Helstu tíðindum dagsins í pósthólfið þitt

Lesa nánar

Í Crater of Diamonds State Park í Arkansas í Bandaríkjunum leynist fjársjóður. Demantar. Daglega finna gestir þjóðgarðsins verðmæta demanta.

Það getur því borgað sig að heimsækja þjóðgarðinn en auðvitað er engin trygging fyrir því að allir finni demant þar.

Nafn þjóðgarðsins er sótt til demantanna.

BBC segir að David Andersen, sem býr í Tennessee, leggi oft leið sína í þjóðgarðinn þó hann sé um 600 km frá heimahögum hans. Þetta hafa reynst ferðir til fjár því hann hefur fundið 400 demanta til þessa. Nú síðast fann hann brúnan demant, 3,29 karöt, sem hann hefur nefnt Bud.

„Þetta er skammstöfun fyrir „big ugly diamond“ (stór, ljótur demantur, innsk. blaðamanns), sagði hann í samtali við BBC.

Frá 1906 er talið að um 75.000 demantar hafi fundist í garðinum.

Finnendurnir mega eiga það sem þeir finna og það er meira að segja hægt að leigja verkfæri, til að grafa eftir þeim, hjá þjóðgarðinum. Einnig er boðið upp á aðstoð við að greina það sem gestirnir finna.

Eina undantekningin um eignarhald á demöntunum var gerð þegar demantur upp á 40,23 karöt fannst. Þetta er stærsti demanturinn sem fundist hefur í Bandaríkjunum. Hann er nú á þjóðminjasafninu í Washington D.C.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Ný kenning um kórónuveirufaraldurinn – „Ekki hægt að útiloka það“

Ný kenning um kórónuveirufaraldurinn – „Ekki hægt að útiloka það“
Pressan
Fyrir 2 dögum

Í fyrsta sinn í sögunni – Bar vitni úr gröfinni og kom morðingja sínum á bak við lás og slá

Í fyrsta sinn í sögunni – Bar vitni úr gröfinni og kom morðingja sínum á bak við lás og slá
Pressan
Fyrir 3 dögum

Embættismaður lét dæla úr miðlunarlóni eftir að hann missti símann sinn í það

Embættismaður lét dæla úr miðlunarlóni eftir að hann missti símann sinn í það
Pressan
Fyrir 3 dögum

Lauren er með líkamsleifar raðmorðingja í bílskúrnum – „Ég var dóttir hans, eiginkona, móðir og sálufélagi“

Lauren er með líkamsleifar raðmorðingja í bílskúrnum – „Ég var dóttir hans, eiginkona, móðir og sálufélagi“