Mia Schem, 21 árs kona, var í hópi sex gísla sem vígamenn Hamas slepptu úr haldi síðdegis í gær.
Mia var numin á brott þegar hún sótti Supernova-tónlistarhátíðina þann 7. október síðastliðinn en alls voru 364 óbreyttir borgarar myrtir af meðlimum Hamas.
Miðað við myndir sem birtust af Miu í gær var dvölin í haldi Hamas enginn dans á rósum. Hún sást faðma móður sína og bróður sem hún hafði ekki séð í 55 daga.
Sem fyrr segir var sex gíslum sleppt í gær en auk Miu var hinni fertugu Amit Soussana einnig sleppt. Amit var numin á brott af heimili sínu í Kfar Aza þann 7. október. Báðar voru þær fluttar á sjúkrahús eftir að starfsmenn Rauða krossins tóku á móti þeim.