fbpx
Laugardagur 02.desember 2023
Pressan

Óhugnanlegur fundur í ruslagámi – Sonur þekkts framleiðanda handtekinn

Pressan
Þriðjudaginn 14. nóvember 2023 22:00

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Þegar maður einn kíkti ofan í nokkra ruslagáma í Hollywood í Los Angeles snemma að morgni miðvikudags í síðustu viku gerði hann óhugnanlega uppgötvun. Í einum þeirra var lík.

Samkvæmt fréttum CNN og The New York Times þá hófst málið eiginlega á þriðjudagskvöldið þegar lögreglumenn voru sendir að húsi í Tarzana. Byggingaverkamaður hafði tilkynnt lögreglunni að hann hefði séð lík í plastpoka. En eftir því sem talsmaður lögreglunnar sagði þá fundu lögreglumennirnir ekkert þegar þeir komu á vettvang.  Engin sönnunargögn hafi verið sem gerðu þeim kleift að réttlæta að fara inn í húsið.

En eins og áður sagði þá fannst lík í ruslagámi daginn eftir. Þetta var lík af konu. Kennsl hafa ekki enn verið borin á það með fullri vissu en talið er að það sé af hinni 37 ára Mei Li Haskell sem býr í húsinu í Tarzana.

Eiginmaður hennar er hinn 35 ára Samuel Haskell. Hann er sonur Emmyverðlaunahafans og umboðsmannsins Sam Haskell III. CNN segir að hann hafi meðal annars verið umboðsmaður Whoopi Goldberg, Dolly Parton og George Clooney.

Mei og Samuel eru skráð til heimilis í fyrrnefndu húsi í Tarzana ásamt þremur börnum sínum. þegar lögreglan leitaði í húsinu á miðvikudaginn fannst hvorki tangur né tetur af Mei.

Þar með er ekki öll sagan sögð því foreldrar Mei búa einnig í húsinu. Þau eru 71 og 64 ára. Þau eru bæði horfin.

Samuel er nú í haldi lögreglunnar, grunaður um að hafa myrt eiginkonu sína og tengdaforeldra.

Þau eru týnd. Mynd:Lögreglan í Los Angeles
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Flugfreyja segir að fólk eigi alltaf að kasta vatnsflösku undir hótelrúm

Flugfreyja segir að fólk eigi alltaf að kasta vatnsflösku undir hótelrúm
Pressan
Í gær

Ætla að rannsaka hugsanlegar aukaverkanir kórónuveirubóluefna á konur

Ætla að rannsaka hugsanlegar aukaverkanir kórónuveirubóluefna á konur
Pressan
Í gær

Sjötug kona fæddi tvíbura en barnsfaðirinn lét sig hverfa

Sjötug kona fæddi tvíbura en barnsfaðirinn lét sig hverfa
Pressan
Fyrir 2 dögum

Lögmaður sviptur starfsleyfi eftir stórfurðulegt skítkast – Sagðist ítrekað hafa nota Pringles-dósir í þessum tilgangi

Lögmaður sviptur starfsleyfi eftir stórfurðulegt skítkast – Sagðist ítrekað hafa nota Pringles-dósir í þessum tilgangi
Pressan
Fyrir 2 dögum

Kjötétandi sveppur breiðist út

Kjötétandi sveppur breiðist út
Pressan
Fyrir 2 dögum

Unglingsstúlka var lögð í hrottalegt einelti á netinu – Hana grunaði þó aldrei hver stóð í raun fyrir því

Unglingsstúlka var lögð í hrottalegt einelti á netinu – Hana grunaði þó aldrei hver stóð í raun fyrir því