Tveir aðilar á fimmtugsaldri fundust látnir eftir eldsvoða í íbúð í fjölbýlishúsi í Borlänge í Svíþjóð í gærkvöldi. Lögreglan telur að um morð hafi verið að ræða.

Aftonbladet segir að fjöldi lögreglumanna hafa verið á vettvangi í gærkvöldi en tilkynnt var um eldinn skömmu eftir klukkan 20.

Lars Hedelin, talsmaður lögreglunnar, sagði í gærkvöldi að morðrannsókn væri hafin. Tveir aðilar á fimmtugsaldri hafi fundist látnir í íbúðinni.

Enginn hefur verið handtekinn vegna málsins.

Rétt áður en tilkynnt var um eldinn sinnti lögreglan verkefni í öðru húsi í þessu sama hverfi. Hedelin sagði að verið sé að skoða hvort tengsl séu á milli málanna.