Blóðug átök hafa geisað undanfarna daga á landamærum Mið-Asíuríkjanna Tadsíkistan og Kirgistan. Fallist var á vopnahlé milli landanna á föstudaginn og síðan þá hafa tölur yfir látinna verið að berast og hækkað hratt. Nú er talið að 81 hafi látið lífið í átökunum, þa af fleiri hjá Kirgistum, en hundruðir hafa særst og tugþúsundir neyðst til að flýja heimili sín. Ásakanir milli stjórnvalda landanna ganga á víxl en bæði saka þau hvort annað um að hafa rofið vopnahlé sem staðið hafði í nokkra mánuði.
Mikil hætta er talin á að allsherjarstríð milli landanna brjótist út en af og til hefur orðið mannfall í skærum milli landanna sem snúast um næstum 1.000 kílómetra löng landamæri þeirra. Ástandið hefur þó róast mikið í dag en lítið þarf að gerast til að átök brjótist út að nýju.
Vladimir Pútín Rússlandsforseti hefur nú sent frá sér yfirlýsingu vegna átakanna og segir mikilvægt að deilan sé leyst með „friðsamlegum, pólitískum og diplómatískum hætti.“ Hvort að Pútín sé sannfærandi sem boðberi friðar skal ósagt látið en orð hans hafa talsvert vægi hjá stjórnvöldum hinna fyrrum Sovétlýðvelda enda eiga Rússar landamæri að báðum löndunum.
Forsetar landanna, Emomali Rahmon frá Tadsíkistan og Sadyr Japarov frá Kirgistan, hittust á fundi í nágrannaríkinu Úsbekistan um helgina en sá fundur virðist ekki hafa borið mikinn árangur enda fóru ásakanir að ganga aftur á víxl milli landanna skömmu eftir lok hans. Ástandið hefur þó róast mikið í dag en lítið þarf að gerast til að átök brjótist út að nýju nema að friðarsinninn Pútín nái sínu framgengt.