Ísbjörn réðst á tjaldstæði á Svalbarða í dag og særði franskan ferðamann, samkvæmt AP. Ferðamaðurinn hlaut ekki lífshættuleg sár og björnin var drepinn. Konan, sem hefur ekki verið nafngreind, var hluti af leiðsöguhópi 25 manna sem tjaldaði á Sveasletta á Svalbarða. Tjaldstæðið var hinum megin við fjörðinn sem Longyearbæ, helsta þéttbýli Svalbarða.
„Franska konan særðist á hendi,“ sagði Stein Olav Bredli lögregluþjónn á eyjunum. „Skotið var á ísbjörninn sem fældist af svæðinu,“ sagði hann. Það liggur ekki fyrir hvort að það skot hafi hæft og drepið björninn. Konan sem var á fimmtugsaldri var flutt á sjúkrahús með þyrlu. Ferðamönnum sem ferðast til Svalbarða er varað við því að sofa úti og það má ekki fara úr þéttbýli á eyjunum án þess að taka með skotvopn. Að minnsta kosti fimm manns hafa látist af völdum ísbjarna á Svalbarða síðan á áttunda áratugnum.
Síðasta banvæna ísbjarnaárásin á Svalbarða átti sér stað árið 2020 þegar 38 ára Hollendingur lét lífið. Eftir þá árás var það rætt að banna fólki að tjalda á eyjunni en engin ákvörðun hefur verið tekin. Sumir íbúa eyjanna sem hýsa meira en 2.500 manns krefjast stöðugs eftirlits með ísbjörnum en aðrir vilja að allir birnir sem nálgist byggðina verði drepnir. Á árunum 2009 til 2019 voru 14 birnir drepnir, samkvæmt NRK.
