Kórónuveirusmit eru nú á uppleið víða um heim og er það BA.5 afbrigðið sem er undirafbrigði Ómíkron sem veldur. Töluverð uppsveifla hefur verið í tilfellum víða, til dæmis í Portúgal og Þýskalandi, og einnig hér á landi.

Fyrir þá sem vilja vera á varðbergi þá eru níu sjúkdómseinkenni sem einna helst koma fram við Ómíkronsmit hjá fullbólusettu fólki. Þessu komust norskir vísindamenn að í rannsókn í lok síðasta árs.

Þessi einkenni eru:

Þrálátur hósti

Nefrennsli

Þreyta

Hálssærindi

Höfuðverkur

Beinverkir

Hiti

Hnerri

Ógleði.

Í umfjöllun Mirror kemur fram að bólusetning auki líkurnar á að einkennin verði mild og því geti verið erfitt að greina þau frá venjulegri flensu.

En það eru tvö sjúkdómseinkenni sem geta verið snemmbúin viðvörun um að fólk sé smitað. Þetta eru þreyta og svimi/yfirlið.