The Guardian skýrir frá þessu. Fram kemur að Satoko búi með eiginmanni sínum og börnum í Leuven og hafi gert í áratug. Hún starfar sem verkefnisstjóri hjá Transnational Institute í Amsterdam.
Hún fór til Japan til að taka þátt í kosningabaráttunni og það skilaði greinilega góðum árangri.
Olivier Hoedeman, eiginmaður hennar, sagði að úrslitin hafi komið mjög á óvart og að fjölskyldan væri ekki enn búin að taka ákvörðun um að flytja til Japan því yngsti sonur þeirra sé enn í grunnskóla.
Hann sagði að Satoko hafi tekið mikinn þátt í opinberri umræðu í Japan, á netinu, á meðan heimsfaraldurinn geisaði. Hún hafi mikinn áhuga á stjórnmálum og viti mikið um þau. Hún hafi verið orðin mjög vinsæl meðal ákveðins hóps í Japan og hafi verið beðin um að bjóða sig fram í borgarstjóraembættið.
Satoko bjó í Japan fyrstu 25 æviárin en flutti þá til Hollands og síðan til Belgíu.