fbpx
Fimmtudagur 07.júlí 2022
Pressan

Rokkstjörnumorðinginn dæmdur í lífstíðarfangelsi – Var með Ted Bundy á heilanum og myrti 18 ára stúlku með hrottafengnum hætti

Ritstjórn Pressunnar
Fimmtudaginn 19. maí 2022 17:34

Ekki missa af Helstu tíðindum dagsins í pósthólfið þitt

Lesa nánar

Hinn 24 ára gamli rokkari, Cody Ackland, var í dag dæmdur í lífstíðarfangelsi af dómstól í Plymouth í Englandi  fyrir morðið af á hinni 18 ára gömlu Bobbi-Anne McLeod í nóvember á síðasta ári. Engin tengsl voru á milli Ackland og McLeod og því var ódæðið algjörlega tilefnislaust. Daily Mail fjallar um málið en þar kemur fram að Ackland hafi verið heltekinn af raðmorðingjanum Ted Bundy og að hann hafi verið að uppfylla sjúka fantasíu sína með því að ræna McLeod og myrða hana með hrottalegum hætti.

Síðast sást til ferða hinnar Bobbi-Anne McLeod við biðstöð strætisvagna í Plymouth þennan örlagaríka dag, 20. nóvember. Þá var hún á leið heim til unnusta síns en illu heilli komst hún aldrei lengra en á biðstöðina.

Þar nam  Ackland, sem er  gítarleikari hljómsveitarinnar Rakuda, hana á brott. Hann sló hana margoft með barefli og skildi lík hennar síðan eftir í skóglendi ekki fjarri biðstöðinni.

Lík McLeod fannst þremur dögum síðar en þá hafði Ackland hafði gefið sig fram við lögregluna og vísað á líkið. Fyrir dómi játaði hann síðan brot sín greiðlega en réttarhöldin veittu innsýn inn í sjúkan hugarheim hans.

Eins og áður segir var Ackland heillaður af raðmorðingjanum Ted Bundy sem nauðgaði og myrt að minnsta kosti 30 konum á sjöunda áratug síðustu aldar.

Vinir Ackland lýstu því að hann hafi verið óvenju kátur nokkrum klukkustundum eftir ódæðið, faðmað fólk og notið félagsskaparins. Hann hringdi sig síðan inn veikan daginn eftir ódæðið en hann starfaði sem bílastæðavörður.

Bobbi-Anne McLeod. Mynd:Facebook

Var með blæti fyrir raðmorðingjum

Fyrir rétti greindi hann frá því að hann hafi lesið allt sem hann fann á internetinu um Bundy og aðra raðmorðingja. Hann hafi dreymt um að fremja slíkt ódæði og þetta kvöld, 20. nóvember, hafi hann keyrt um Plymouth í leit að hentugu fórnarlambi. Hann kom auga á McLeod og þar sem hún minnti hann á gamla kærustu má segja að nöturleg örlög hennar hafi ráðin. Hann lagði bíl sínum skammt frá, gekk að biðstöðinni og sló stúlkuna fyrirvaralaust í höfuðið með hamri. McLeod féll til jarðar og Ackland sló hana þá öðru sinni með vopninu.

Hann sagði síðar lögreglu að hann hafi talið að seinna höggið hefði banað McLeod en þegar hann var að ganga að bíl sínum sá hann að fórnarlamb hans hreyfði sig. Þá ákvað hann að nema hana á brot í bíl sínum. Hann keyrði í kjölfarið á afvikinn stað. Fyrir rétti lýsti Ackland því hvernig hann hafi stutt McLeod út úr bílnum og þá hafi stúlkan muldrað að hún væri hrædd. Hann hafi sagst einnig vera hræddur enda hafði hann aldrei gert nokkuð þessu líkt áður. Í kjölfarið reiddi hann hamarinn til höggs og lauk ætlunarverki sínu með miskunarlausum hætti.

Síðan losaði hann sig við lík stúlkunnar eftir að hafa klætt hana úr öllum fötunum og fjarlægt skartgripi sem hún bar. Líkið var það illa farið að bera þurfti kennsl á stúlkuna með hjálp tannlæknaskýrslu.

Víðtæk leit hófst skömmu síðar af McLeod en þremur dögum síðar gekk Ackland ótilneyddur inná lögreglustöð í Plymouth, pollrólegur með með hendur fyrir aftan bak, og játaði verknaðinn. Hann gat vísað lögreglumönnum á lík stúlkunnar og gefið greinargóða lýsingu á ódæðisverki sínu.

Lögmaður Ackland reyndi að milda dóminn með því að benda á erfiða æsku Ackland sem var greindur með fjölþættan vanda og hafði glímt við margskonar geðræn vandamál.

Dómarinn Robert Linford dæmdi Ackland hins vegar í lífstíðarfangelsi en í dómnum kemur fram að morðinginn þurfi að lágmarki að sitja inni í 30 ár og 190 daga áður en hann gæti vænst reynslulausnar. „Það eru miklar líkur á því að þú endir ævi þína í fangelsi,“ sagði Linford þegar hann kvað upp dóminn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Stjörnufræðingar telja sig hugsanlega hafa numið merki um tilvist vitsmunavera utan jarðarinnar

Stjörnufræðingar telja sig hugsanlega hafa numið merki um tilvist vitsmunavera utan jarðarinnar
Pressan
Fyrir 1 viku

Vísindamenn telja að kynlíf geti unnið gegn frjókornaofnæmi

Vísindamenn telja að kynlíf geti unnið gegn frjókornaofnæmi
Pressan
Fyrir 1 viku

Læknar voru agndofa þegar þeir sáu hvað var í maga mannsins

Læknar voru agndofa þegar þeir sáu hvað var í maga mannsins
Pressan
Fyrir 1 viku

Fundu áður óþekktan hóp ísbjarna á „ómögulegum“ stað

Fundu áður óþekktan hóp ísbjarna á „ómögulegum“ stað
Pressan
Fyrir 1 viku

Þess vegna áttu ekki að sofa með kveikt á viftu

Þess vegna áttu ekki að sofa með kveikt á viftu
Pressan
Fyrir 1 viku

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Foreldrar hennar neyddu hana til að gefa barnið – 44 árum síðar gerðist svolítið frábært

Foreldrar hennar neyddu hana til að gefa barnið – 44 árum síðar gerðist svolítið frábært
FréttirPressan
Fyrir 1 viku

Hæstaréttardómari tekinn nakinn á rúntinum í þriðja sinn á árinu

Hæstaréttardómari tekinn nakinn á rúntinum í þriðja sinn á árinu