Hann hlýtur að vera glaður bandaríski lottóvinningshafinn sem vann rétt rúmlega 2 milljarða dollara í lottói í gær. Þetta svarar til tæplega 300 milljarða íslenskra króna og er þetta hæsti lottóvinningur sögunnar.

CNN skýrir frá þess og segir að vinningshafinn hafi átt miða í Powerball lottóinu. Miðinn í því kostar tvo dollara, 291 krónur. Þátttakendur velja fimm tölur frá 1 upp í 69 og rauða Powerball (bónustölu) frá 1 til 26. Ef allar tölurnar sex eru réttar er fyrsti vinningurinn í höfn.

Miðinn var keyptur í Kaliforníu.

Það átti að draga í lottóinu á mánudaginn en útdrættinum var frestað þar til í gær vegna tæknilegra vandamála.