fbpx
Þriðjudagur 06.desember 2022
Pressan

Bragðið af grænkáli fær ófædd börn til að gretta sig

Kristján Kristjánsson
Sunnudaginn 2. október 2022 21:00

Ekki var barnið hrifið af grænkálinu. Mynd:FETAP (Fetal Taste Preferences) Study/Fetal and Neonatal Research Lab/Durham University

Ekki missa af Helstu tíðindum dagsins í pósthólfið þitt

Lesa nánar

Ef þú ert lítt hrifin(n) af grænkáli og grettir þig þegar þú borðar það, þá ertu ekki ein(n) um það. Vísindamenn hafa komist að því að börn, sem eru í móðurkviði, eru ekki mjög hrifin af því og gretta sig þegar mæður þeirra borða það.

The Guardian skýrir frá þessu og segir að fyrri rannsóknir hafi sýnt að val okkar á hvað mat okkur líkar við og hvað okkur líkar ekki við mótist hugsanlega af mataræði móður okkar. Í nýju rannsókninni skoðuðu vísindamenn viðbrögð ófæddra barna við mismunandi brögðum.

Nadja Reissland, meðhöfundur rannsóknarinnar og prófessor við Durham háskóla, sagði að í fyrri rannsóknum hafi verið rannsakað hvað gerðist eftir fæðingu en nú hafi svipbrigði fóstra verið skoðuð þegar mæður þeirra borðuðu eitthvað beiskt eða óbeiskt.

Í grein vísindamannanna, sem hefur verið birt í vísindaritinu Psychological Science, kemur fram að þeir hafi tekið eftir því að bragð af matnum, sem mæðurnar borðuðu, hafi verið í líknarbelgnum. Bragðlaukar finna bragðtengd efni frá fjórtándu viku meðgöngu og lyktarskynið virkar frá sjöttu viku meðgöngu.

Vísindamennirnir skoðuðu myndir úr ómskoðun um 70 barnshafandi kvenna á aldrinum 18 til 40 ára. Þær eru allar frá norðausturhluta Englands og var þeim skipt í tvo hópa. Annar hópurinn var beðinn um að taka eina dufttöflu af grænkáli 20 mínútum fyrir ómskoðun en hinn eina dufttöflu af gulrót.

Vísindamennirnir skoðuðu einnig myndir úr ómskoðun 30 kvenna sem fengu engar töflur.

Konurnar voru beðnar um að innbyrða ekkert annað en töflurnar síðustu klukkustundina fyrir ómskoðunina.

Meðal þess sem sást á myndunum var að fóstrin sýndu grátsvip um tvisvar sinnum oftar þegar mæður þeirra innbyrtu kálduftið en gulrótarduftið eða ekkert. Þegar mæðurnar innbyrtu gulrótarduft var eins og fóstrin sýndu af sér hláturssvip tvisvar sinnum oftar en þegar mæðurnar innbyrtu kálduft eða ekkert.

Benoist Schall, aðalhöfundur rannsóknarinnar, sagði í samtali við the Guardian að það hafi komið á óvart hversu skýr niðurstaða rannsóknarinnar var. Mæðurnar hafi ekki verið búnar að ljúka máltíðum sínum þegar fóstrin vissu, eða gátu, skynjað hvað þær höfðu borðað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Flugferðin breyttist í algjöra martröð – Juliane hrapaði úr 3,2 km hæð og lifði af

Flugferðin breyttist í algjöra martröð – Juliane hrapaði úr 3,2 km hæð og lifði af
Pressan
Í gær

Segir að svona sé hægt að spara peninga á auðveldan hátt með „þriggja daga reglunni“

Segir að svona sé hægt að spara peninga á auðveldan hátt með „þriggja daga reglunni“
Pressan
Fyrir 2 dögum

Blóðþynningarmeðferð virkar ekki gegn COVID-19

Blóðþynningarmeðferð virkar ekki gegn COVID-19
Pressan
Fyrir 2 dögum

5 ára hringdi í Neyðarlínuna – Hafði aldrei áður fengið símtal eins og þetta

5 ára hringdi í Neyðarlínuna – Hafði aldrei áður fengið símtal eins og þetta
Pressan
Fyrir 4 dögum

Norska lögreglan undirbýr sig fyrir hörmungar – Varnarbúnaður gegn geislavirkni settur í alla lögreglubíla

Norska lögreglan undirbýr sig fyrir hörmungar – Varnarbúnaður gegn geislavirkni settur í alla lögreglubíla
Pressan
Fyrir 5 dögum

Var numin á brott fyrir 51 ári – Hitti foreldra sína á nýjan leik nýlega

Var numin á brott fyrir 51 ári – Hitti foreldra sína á nýjan leik nýlega
Pressan
Fyrir 5 dögum

Hið raunverulega Leðurfés – Skrímslið með merkti fórnarlömb sín með ryðguðum nöglum til að tryggja að þau myndu aldrei gleyma

Hið raunverulega Leðurfés – Skrímslið með merkti fórnarlömb sín með ryðguðum nöglum til að tryggja að þau myndu aldrei gleyma
Pressan
Fyrir 5 dögum

Kærastan mín er ólétt en hún veit ekki að ég er ófrjór – Hvað á ég að gera?

Kærastan mín er ólétt en hún veit ekki að ég er ófrjór – Hvað á ég að gera?
Pressan
Fyrir 6 dögum

Hetjudáð afans – Bjargaði fimm ára dreng frá þriggja metra kyrkislöngu

Hetjudáð afans – Bjargaði fimm ára dreng frá þriggja metra kyrkislöngu