fbpx
Miðvikudagur 18.maí 2022
Pressan

Fundu gen sem veitir vörn gegn kórónuveirunni

Kristján Kristjánsson
Mánudaginn 24. janúar 2022 08:00

Genið veitir vernd gegn alvarlegum veikindum af völdum COVID-19. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í nýrri sænskri rannsókn kemur fram að vísindamennirnir, sem framkvæmdu rannsóknina, hafi fundið sérstakt genaafbrigði sem veitir vörn gegn alvarlegum veikindum af völdum COVID-19. Þessi uppgötvun er mikilvægt skref í átt að skilningi á af hverju sumir veikjast af völdum veirunnar en aðrir fá bara væg einkenni.

Norska ríkisútvarpið skýrir frá þessu og hefur eftir Hugo Zeberg, hjá Karólínskustofnuninni í Svíþjóð, að með þessari uppgötvun verði vinna við þróun lyfja gegn veirunni markvissari. Hann vildi ekki kalla þetta „tímamótauppgötvun“ en sagði niðurstöðuna vera mjög mikilvæga.

Rannsóknin byggir á uppgötvun frá því í árslok 2020 en þá komust vísindamenn að því að ákveðinn hluti af erfðaefninu okkar gerir að verkum að 20% minni líkur eru á að fólk veikist alvarlega af völdum COVID-19. Þá tókst vísindamönnum ekki að finna út úr hvaða gen gerir þetta að verkum en nú hefur sænska rannsóknin varpað ljósi á það.

Þetta genaafbrigði, sem vísindamennirnir fundu, nefnist rs10774671-G. Zeberg sagði að þetta væri gen sem kóði fyrir prótín sem nefnist OAS1 og stýri kerfi sem brjóti RNA-veirur niður en SARS-CoV-2 (veiran sem veldur COVID-19) er RNA-veira. Þetta gen veitir einnig vernd gegn öðrum RNA-veirum, til dæmis lifrarbólgu C. Þetta er afbrigði sem má rekja til Neanderdalsmanna og er enn að finna í sumum.

Niðurstöður rannsóknarinnar hafa verið birtar í Nature Genetics.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Vaknaði eftir að hafa verið í dái í sex mánuði – Fékk skelfilegar fréttir

Vaknaði eftir að hafa verið í dái í sex mánuði – Fékk skelfilegar fréttir
Pressan
Fyrir 2 dögum

Vilja senda nektarmyndir af fólki út í geim

Vilja senda nektarmyndir af fólki út í geim
Pressan
Fyrir 3 dögum

Átök glæpagengja á Haíti hafa kostað á annað hundrað manns lífið

Átök glæpagengja á Haíti hafa kostað á annað hundrað manns lífið
Pressan
Fyrir 4 dögum

Apple hættir framleiðslu iPod

Apple hættir framleiðslu iPod
Pressan
Fyrir 5 dögum

Myrti unnustuna og fór út í garð til að grafa líkið – Þá gripu örlögin í taumana

Myrti unnustuna og fór út í garð til að grafa líkið – Þá gripu örlögin í taumana
Pressan
Fyrir 6 dögum

Jóakim prins og Alexandra greifynja sendu tilkynningu frá sér – „Við erum brjáluð“

Jóakim prins og Alexandra greifynja sendu tilkynningu frá sér – „Við erum brjáluð“