WalesOnline segir að þegar Ethan hafði áttað sig á hvað Miley var að segja hafi hann flýtt sér heim til mæðgnanna ásamt unnustu sinni. Á leiðinni hringdu þau í neyðarlínuna.
Þegar þau komu á vettvang veittu þau Beckka, sem var 23 ára, strax skyndihjálp en þeim tókst ekki að koma lífi í hana. Það tókst sjúkraflutningamönnum heldur ekki. Ljóst var að Beckka hafði látist töluvert áður en hún fannst. Talið er að hún hafi fengið flogakast og látist af þeim völdum en hún var flogaveikisjúklingur.
„Þetta er hræðilegt. Og það er hræðilegt að hugsa til þess að fjögurra ára barnabarnið mitt hafi þurft að hringja í föður sinn til að láta vita. Hann reyndi að bjarga henni en gat það ekki. Þetta er hræðilegt,“ sagði Rachael Hull, móðir Beckka. Hún sagðist telja líklegt að flogaveikikast hafi orðið Beckka að bana því hún hafi ekki fengið lyfin sín send heim þessa helgi og það sama hafi verið uppi á teningnum helgina áður.