fbpx
Föstudagur 01.júlí 2022
Pressan

Hakkararnir hvergi nærri hættir – Birtu hörð skilaboð í sjónvörpum fyrir ávarp Pútíns

pressan
Þriðjudaginn 10. maí 2022 22:00

Ekki missa af Helstu tíðindum dagsins í pósthólfið þitt

Lesa nánar

Á mánudag héldu Rússar upp á „sigurdaginn“ svo nefnda til að fagna endalokum síðari heimsstyrjaldar. Dagurinn er mikil hátíð í Rússlandi,  með skrúðgöngu og ávarpi forseta, Vladimírs Pútíns, svo dæmi séu tekin.

Þeir sem ætluðu að fylgjast með hátíðinni í beinni útsendingu í snjallsjónvörpum brá þó í brún þar sem hakkarar á vegum Anonymous samtakanna höfðu brotist inn á valmyndina í snjallsjónvörpum, og sjónvarpinu á netinu, og birt þar kaldar kveðjur til Rússa í stað einstakra dagskrárliða.

„Þið hafið blóð þúsunda Úkraínumanna og hundruð barna á höndum ykkar,“ sagði í einum skilaboðunum. „Sjónvarpið og yfirvöld eru að ljúga. Segið nei við stríði,“ sagði í öðrum.

Þegar áhorfendur náðu svo að opna útsendingu frá hátíðarhöldunum heyrðu þeir Pútín forseta bera saman stríðið í Úkraínu og baráttu Sovíetríkjanna við Adolf Hitler.

Eins réðust hakkararnir gegn myndbandamiðlinum Rutube, sem er rússneska útgáfan af YouTubeRutube greindi frá því í yfirlýsingu að vefsíður rússneskra ráðuneyta hafi verið undir stöðugum árásum hakkara síðustu mánuði og nú hafi hakkararnir náð til RuTube. „Myndbandahýsing okkar hefur orðið fyrir kraftmikilli netárás. Sem stendur er ekki hægt að komast inn á miðilinn.“

RuTube voru þó fljótir að koma síðunni aftur í loftið og greindu frá því að hakkarar hafi ekki komist inn í gögn síðunnar. Hakkarahópurinn PuckArks sem kennir sig við Anonymous hefur gengist við ábyrgð á árásinni.

Rússnesk yfirvöld hafa greint frá því að opinberar vefsíður og síður ríkismiðla hafi orðið fyrir því „fordæmalausri bylgju netárása“ frá því að stríðið í Úkraínu hófst.

Einhverjir Rússar sem starfa við fjölmiðla virðast einnig hafa gripið til aðgerða til að mótmæla stríðinu. Greinar með fyrirsögnum þar sem innrásin er fordæmd birtust á rússnesku fréttasíðunni Lenta.ru snemma á mánudag. Allar greinarnar innihéldu fyrirvara þar sem sagði að greinin „væri ekki með samþykki ritstjórnar“ og að embætti forsetans Pútíns myndi refsa útgefanda fyrir birtinguna.

„Með öðrum orðum, takið skjáskot af þessu núna áður en þessu verður eytt.“

Greinarnar voru með fyrirsagnir á borð við „Vladimir Pútín er orðinn að aumkunarverðum og ofsóknarbrjáluðum einræðisherra“ og „Rússar yfirgefa lík hermanna sinna í Úkraínu“. Greinunum var fljótlega eytt, líkt og fyrirvarinn gerði ráð fyrir.

Þessar yfirlýsingar eru brot gegn hörðum lögum sem hefur verið komið á í Rússlandi þar sem bannað er að birta umfjallanir gegn rússneska hernum og aðgerðum þeirra í Úkraínu. Baráttufólk fyrir tjáningarfrelsi hefur sagt að þetta útspil rússneskra stjórnvalda sé til þess að stýra umræðunni um stríðið. Til að mynda er bannað að tala um stríð heldur verður að tala um „sérstakar hernaðaraðgerðir“.

Einn ritstjóri hjá Lenta, Yegor Polyakov, hefur tekið ábyrgð á mótmælunum og sagði að hann og kollegi hans, Alexandra Miroshnikova hafi meðvitað ákveðið að taka afstöðu gegn stríðinu.

„Þetta er ekki „hakk frá hökkurum“ heldur meðvituð ákvörðun okkar sem við tókum fyrir löngu en gátum ekki komið í verk  með hraði (ég gef ekki út hvers vegna strax).“

Hakkarahópar á kenndir við Anonymous hafa undanfarið beint sjónum sínum, meðal annars, að fjármálafyrirtækinu Qiwi. Hópurinn Batallion 65 greindi frá því að hafa komist yfir rúmlega 10,5 terabæti af gögnum sem þeir höfðu dulkóðað og sagt Qiwi að greiða lausnargjald fyrir. Ellegar verði bankaupplýsingar viðskiptavina opinberaðar. Qiwi neitaði því að kerfi þeirra hefðu orðið fyrir árás og greiddu ekki gjaldið innan frests. Þar með birti Batallion 65 fyrsta skammt bankaupplýsinganna þar á meðal upplýsingar um 7,5 milljónir greiðslukorta viðskiptavina Qiwi.

Aftur var Qiwi gefinn frestur, sem fyrirtækið virti ekki. Þá var næsti skammtur birtur. Hópurinn hefur gefið út að ef Qiwi greiði lausnargjaldið verði peningurinn sendur til Úkraínu.

Þetta er aðeins brot af þeim aðgerðum sem hakkararnir hafa staðið fyrir undanfarnar vikur. Hakkarahópar hafa greint frá því að hafa brotist inn í samskiptakerfi rússneska hersins, ráðist inn á svarta markað rússa á huldunetinu (e. darkweb), og staðið fyrir því að fleiri tugir milljóna smáskilaboða og tölvupósta hafa verið sendir á Rússa af handavali.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 dögum

Skyndikynni geta kostað allt að sjö ára fangelsi

Skyndikynni geta kostað allt að sjö ára fangelsi
Pressan
Fyrir 5 dögum

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár
Pressan
Fyrir 5 dögum

Þess vegna áttu ekki að sofa með kveikt á viftu

Þess vegna áttu ekki að sofa með kveikt á viftu
Pressan
Fyrir 5 dögum

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 6 dögum

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum
Pressan
Fyrir 6 dögum

Telja að bólusetningar gegn kórónuveirunni hafi bjargað 20 milljónum mannslífa

Telja að bólusetningar gegn kórónuveirunni hafi bjargað 20 milljónum mannslífa
Pressan
Fyrir 1 viku

Býr í Belgíu og sigraði í borgarstjórakosningum í Tókýó

Býr í Belgíu og sigraði í borgarstjórakosningum í Tókýó
Pressan
Fyrir 1 viku

Úkraína og Moldóva orðin umsóknarríki – „Framtíð Úkraínu er í Evrópusambandinu“

Úkraína og Moldóva orðin umsóknarríki – „Framtíð Úkraínu er í Evrópusambandinu“