fbpx
Miðvikudagur 06.júlí 2022
Pressan

„Hvað er að Dönum?“

Kristján Kristjánsson
Fimmtudaginn 27. janúar 2022 07:00

Svona leit frétt Bild út í gær. Skjáskot/Bild

Ekki missa af Helstu tíðindum dagsins í pósthólfið þitt

Lesa nánar

„Hvað er að Dönum?“ Margir spyrja sig eflaust þessarar spurningar eftir tilkynningu Mette Frederiksen, forsætisráðherra, í gær um að Danir muni fella allar sóttvarnaaðgerðir vegna kórónuveirunnar úr gildi frá og með mánaðamótum. Danmörk verður því fyrsta Evrópuríkið til að fella allar sóttvarnaaðgerðir úr gildi.

Tilkynning Frederiksen hefur vakið mikla athygli víða og fjölluðu fjölmiðlar í mörgum ríkjum um málið í gær. Þýska götublaðið Bild fjallaði um málið í gær undir fyrirsögninni: „Was ist denn dänen los?“ (Hvað er að Dönum?).

Blaðið bendir á að smittölurnar séu hærri en nokkru sinni áður en samt sem áður eigi að aflétta sóttvarnaaðgerðum. Blaðið vitnar í viðtal Ritzau við Eskild Petersen, prófessor emeritus í smitsjúkdómafræði við Árósaháskóla, fyrr í vikunni en þá sagði hann að Danir væru „svo nærri markinu að það væri rangt að sleppa öllu lausu nú.“

Nú greinast á milli 40.000 og 50.000 smit daglega í Danmörku en innlögnum á sjúkrahús hefur ekki fjölgað og sjúklingum á gjörgæslu hefur fækkað mikið síðustu daga.

Sænska dagblaðið Expressen fjallar einnig um málið og bendir á að tilkynning Frederiksen komi sama dag og sænsk yfirvöld tilkynntu um framlengingu sóttvarnaaðgerða um tvær vikur. Blaðið segir að Danir hafi verið skrefi á undan Svíum frá upphafi heimsfaraldursins og gripið til miklu víðtækari sóttvarnaaðgerða. Með afléttingu þeirra nú séu þeir enn einu skrefi á undan Svíum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Vísindamenn telja að kynlíf geti unnið gegn frjókornaofnæmi

Vísindamenn telja að kynlíf geti unnið gegn frjókornaofnæmi
Pressan
Fyrir 1 viku

Karl Bretaprins þáði hundruðir milljóna frá katörskum sjeik

Karl Bretaprins þáði hundruðir milljóna frá katörskum sjeik
Pressan
Fyrir 1 viku

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Ef þú getur ekki gert þetta í 10 sekúndur er útlitið svart

Ef þú getur ekki gert þetta í 10 sekúndur er útlitið svart
FréttirPressan
Fyrir 1 viku

Hæstaréttardómari tekinn nakinn á rúntinum í þriðja sinn á árinu

Hæstaréttardómari tekinn nakinn á rúntinum í þriðja sinn á árinu
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum