fbpx
Mánudagur 20.september 2021
Pressan

Lögreglan telur sig vita hver myrti Tinu fyrir 21 ári – En það er eitt stórt vandamál

Kristján Kristjánsson
Föstudaginn 10. september 2021 06:01

Tina Jørgensen. Mynd:Lögreglan

Ekki missa af Helstu tíðindum dagsins í pósthólfið þitt

Lesa nánar

Fyrir 21 ári hvarf Tina Jørgensen, tvítug að aldri, þegar hún var á leið heim til sín eftir að hafa verið að skemmta sér í Stafangri. Lík hennar fannst um mánuði síðar nærri kirkju utan við bæinn. Tina hafði verið barinn til bana.

Í fyrstu taldi lögreglan að unnusti hennar hefði verið að verki en þeirri kenningu var fljótlega sópað til hliðar. Nokkrum árum síðar beindist grunur að fjórum kunningjum Tinu en sá grunur reyndist ekki á rökum reistur.

Nú grunar lögregluna mann á sextugsaldri. Hann var handtekinn í síðustu viku grunaður um morðið á Birgitte Tengs 1995 en hún var 17 ára þegar hún var myrt. Lögreglan telur að maðurinn hafi einnig orðið Tinu að bana en stendur frammi fyrir einu stóru vandamáli. Það er nefnilega búið að henda megninu af sönnunargögnunum í málinu. VG skýrir frá þessu. Lögreglan segir að þetta sé mjög „pirrandi“.

Vitað er að hinn grunaði var í miðbæ Stafangurs þegar Tina hvarf og aðrar upplýsingar í málinu gera að hann liggur nú undir grun hefur VG eftir talsmanni lögreglunnar. Maðurinn neitar sök í báðum málum. Fram hefur komið í norskum fjölmiðlum að það hafi verið DNA-rannsókn sem tengdi hann við morðið á Birgitte.

VG segir að sönnunargögnunum í málinu hafi verið hent þar sem lögreglan var ekki með nægilega góða verkferla varðandi geymslu sönnunargagna.

Fyrir átta árum gerði lögreglan sérstaka leit að sönnunargögnum málsins í kjöllurum sínum, bílskúrum og geymsluhúsnæði í Stafangri. Með þessu fannst hluti af gögnunum en þó ekki nærri því allt. Meðal þess sem fannst var hluti af þeim fatnaði sem Tina var í þegar hún var myrt. Fötin og aðrir munir voru sendir til rannsóknar 2016 en þá var niðurstaðan að ekki væri hægt að finna DNA á þeim.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Skógareldarnir í Grikklandi hafa drepið milljónir býflugna og þannig ýtt undir vistkerfisvandann

Skógareldarnir í Grikklandi hafa drepið milljónir býflugna og þannig ýtt undir vistkerfisvandann
Pressan
Í gær

Miklir hitar og þurrkar valda hækkandi verði á pasta

Miklir hitar og þurrkar valda hækkandi verði á pasta
Pressan
Fyrir 2 dögum

Maður með fótablæti þóttist vera gömul kona til að fá starfsmenn til að tala um fætur sína

Maður með fótablæti þóttist vera gömul kona til að fá starfsmenn til að tala um fætur sína
Pressan
Fyrir 2 dögum

Piers Morgan segir að Meghan eigi eftir að fá martraðir

Piers Morgan segir að Meghan eigi eftir að fá martraðir