Það er ljóst á upptökunni að honum er brugðið enda skelfur síminn jafn mikið og síminn. Ísbjörninn starir á hann niður um lúguna og sleikir út um, hugsar sér eflaust gott til glóðarinnar. „Hann er þarna,“ segir Niels og hljómar eins og hann eigi erfitt með að trúa því að ísbjörn sé um borð í bátnum hans.
Knr.gl skýrði fyrst frá málinu.
Fram kemur að matsveinninn hafi verið að elda þegar hann sá ísbjörninn á dekkinu. Hann hafði margoft synt upp að bátnum dagana á undan en hugsanlega hefur matarilmurinn gert hann harðákveðinni í að komast um borð þennan dag og tókst honum að klifra upp í bátinn.
„Ég lokaði dyrunum og fór inn í eldhúsið með riffil. Ég skaut upp í loftið en það hræddi hann ekki. Hann kom ekki niður, sýndi engan áhuga,“ sagði hann í samtali við Qanorooq.
Ekki er heimilt að fella ísbirni nema í ítrustu sjálfsvörn og að lokum varð áhöfnin að fá þyrlu til að koma á vettvang og fæla björninn úr bátnum.
