fbpx
Fimmtudagur 26.maí 2022
Pressan

Ók vísvitandi á múslímska fjölskyldu – 4 létust

Kristján Kristjánsson
Þriðjudaginn 8. júní 2021 06:35

Fólk leggur blóm á staðinn þar sem ekið var á fjölskylduna. Mynd:AFP

Ekki missa af Helstu tíðindum dagsins í pósthólfið þitt

Lesa nánar

Kanadíska lögreglan segir að tvítugur maður hafi vísvitandi ekið á fimm manna múslímska fjölskyldu í London í Ontario á sunnudagskvöldið. Maðurinn ók upp á gangstétt og á fólkið. Fjórir létust.

Á fréttamannafundi í gær sagði lögreglan að ekki sé útilokað að maðurinn verði ákærður fyrir hryðjuverk. „Það eru sannanir fyrir að þetta hafi verið skipulagt og gert af ásettu ráði og við teljum að fjölskyldan hafi verið valin vegna trúar sinnar,“ sagði Paul Waight, yfirlögregluþjónn, á fréttamannafundi.

Það var klukkan 20.40 að staðartíma á sunnudagskvöldið sem maðurinn ók á fjölskylduna. Þau sem létust voru 15 ára stúlka, 44 ára kona, 46 ára karl og 74 ára kona. 9 ára drengur lifði af en liggur alvarlega slasaður á sjúkrahúsi.

Ed Holder, borgarstjóri, sagði á fréttamannafundinum að borgarbúar syrgi með fjölskyldunni en fólk úr þremur kynslóðum hennar hafi látist. „Þetta var fjöldamorð á múslímum í London og það átti sér rætur í hatri,“ sagði hann.

Hinn handtekni var handtekinn á sunnudaginn í verslunarmiðstöð um sjö kílómetra frá staðnum þar sem hann ók á fjölskylduna. Hann var að sögn í skotheldu vesti.

Þetta er mannskæðasta árásin á múslíma í Kanada síðan sex manns voru skotnir til bana í mosku í Québec 2017.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Tvíkynhneigð og móðir – Þetta er sagan um Amber Heard

Tvíkynhneigð og móðir – Þetta er sagan um Amber Heard
Pressan
Fyrir 3 dögum

Ófagrar niðurstöður nýrrar könnunar – Svona sjaldan skipta einhleypir karlar á rúminu sínu

Ófagrar niðurstöður nýrrar könnunar – Svona sjaldan skipta einhleypir karlar á rúminu sínu
Pressan
Fyrir 3 dögum

Bandaríkjamenn ætla sér að komast til botns í hvaðan fljúgandi furðuhlutir eru

Bandaríkjamenn ætla sér að komast til botns í hvaðan fljúgandi furðuhlutir eru
Pressan
Fyrir 3 dögum

Fólk með litla menntun á frekar á hættu að fá krabbamein

Fólk með litla menntun á frekar á hættu að fá krabbamein
Pressan
Fyrir 4 dögum

Höfða mál á hendur syni sínum af því að hann hefur ekki eignast börn

Höfða mál á hendur syni sínum af því að hann hefur ekki eignast börn
Pressan
Fyrir 4 dögum

Uppgötvun í helli í Laos gæti leyst eina stærstu ráðgátuna varðandi þróun mannkyns

Uppgötvun í helli í Laos gæti leyst eina stærstu ráðgátuna varðandi þróun mannkyns