fbpx
Þriðjudagur 22.júní 2021
Pressan

Margvísleg mistök í aðdraganda árásarinnar á bandaríska þinghúsið

Kristján Kristjánsson
Fimmtudaginn 10. júní 2021 20:30

Stuðningsmenn Donald Trump réðust á þinghúsið 6. janúar. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í fyrstu skýrslu, og líklegast einu skýrslu, öldungadeildar Bandaríkjaþings um árás stuðningsmanna Donald Trump á þinghúsið þann 6. janúar síðastliðinn kemur fram að margvísleg mistök hafi verið gerð í aðdraganda árásarinnar og á meðan átök stóðu yfir.

Í skýrslunni er haft eftir lögreglumönnum að engin sameiginleg stefna hafi verið mörkuð um hvernig ætti að koma í veg fyrir að múgurinn gæti ráðist inn í þinghúsið og að boðleiðir lögreglunnar hafi í raun hrunið og verið óvirkar. Fjöldi lögreglumanna slasaðist í átökunum, sumir fengu eiturefni á sig, aðrir urðu fyrir heilaskaða og enn aðrir beinbrotnuðu. Einn lögreglumaður lést í átökunum og fjórir úr röðum árásarmanna.

Í skýrslunni kemur fram að áður en múgurinn kom að þinghúsinu hafi verið skýr merki á lofti um að öfgamenn hefðu í hyggju að ráðast á þinghúsið og að þeir væru vopnaðir og myndu hugsanlega notast við neðanjarðargöng undir þinghúsinu. En þessar aðvaranir náðu aldrei eyrum stjórnenda lögreglunnar. Afleiðingin varð algjör ringulreið.

Mörg hundruð stuðningsmenn Donald Trump náðu að komast í gegnum lokanir lögreglunnar, inn í þinghúsið og stöðva staðfestingarferli þingsins sem átti að fara að staðfesta kjör Joe Biden sem forseta.

Í skýrslunni kemur fram að mistökin sem voru gerð hafi verið þau sömu og eftir hryðjuverkaárásirnar á Bandaríkin í september 2001, það er skortur á getu til að ímynda sér að það versta gæti gerst.

Í skýrslunni er lagt til að skorið verði niður í yfirstjórn lögreglu þingsins hið snarasta.

Í maí felldi öldungadeildin tillögu um að óháð rannsóknarnefnd myndi rannsaka árásina og því er þessi skýrsla líklegast sú fyrsta og síðasta sem verður gerð á vegum deildarinnar.

„Þessi skýrsla er mikilvæg því hún gefur okkur tækifæri á að gera strax nokkrar breytingar á öryggismálum þingsins. En hún svarar ekki öllum þeim spurningum sem við verðum að spyrja okkur sem land og lýðveldi,“ segir Gary Peters, þingmaður Demókrata, sem var í fararbroddi tillögunnar um óháða rannsókn. Hann bendir meðal annars á að í skýrslunni sé ekki kafað ofan í hugsanlegan þátt Donald Trump í árásinni en skömmu fyrir hana hvatti hann stuðningsmenn sína til að „berjast eins og helvíti“ fyrir því að niðurstöðum forsetakosninganna yrði breytt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Fjögur ár í sviðsljósinu – Hvar er Melania núna?

Fjögur ár í sviðsljósinu – Hvar er Melania núna?
Pressan
Í gær

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?
Pressan
Fyrir 3 dögum

Hluti heila hans var numinn á brott – Finnur ekki lengur til ótta

Hluti heila hans var numinn á brott – Finnur ekki lengur til ótta
Pressan
Fyrir 3 dögum

Telur að hugsanlega sé ekki hægt að snúa þróuninni á Norðurskautinu við

Telur að hugsanlega sé ekki hægt að snúa þróuninni á Norðurskautinu við
Pressan
Fyrir 4 dögum

Þjóðverjar loka skjalageymslum Stasi

Þjóðverjar loka skjalageymslum Stasi
Pressan
Fyrir 4 dögum

49 þýskir lögreglumenn afhjúpaðir – Virkir á spjallrásum öfgahægrimanna

49 þýskir lögreglumenn afhjúpaðir – Virkir á spjallrásum öfgahægrimanna
Pressan
Fyrir 5 dögum

Tesla mun aftur taka við bitcoin þegar hreinni orka verður notuð við vinnslu þess

Tesla mun aftur taka við bitcoin þegar hreinni orka verður notuð við vinnslu þess
Pressan
Fyrir 5 dögum

Hryllingur í Þýskalandi – Maður myrti fyrrverandi eiginkonu og bróður hennar

Hryllingur í Þýskalandi – Maður myrti fyrrverandi eiginkonu og bróður hennar