fbpx
Föstudagur 17.september 2021
Pressan

Málið sem skekur Frakkland – Hermenn vara við uppgangi múslíma og borgarastyrjöld

Kristján Kristjánsson
Þriðjudaginn 4. maí 2021 06:48

Franskir hermenn við Eiffelturninn. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Um 1.000 franskir hermenn, bæði núverandi og fyrrverandi, hafa verið á allra vörum í Frakklandi að undanförnu eftir að þeir birtu opið bréf í tímaritinu Valeurs Actuelles, sem er hægrisinnað, nýlega. Í bréfinu vara þeir við því að borgarastyrjöld sé yfirvofandi í landinu og að mörg þúsund manns muni látast í henni.

Meðal þeirra sem skrifa undir bréfið eru starfandi hermenn, liðsmenn varaliðs hersins, hermenn á eftirlaunum og þar á meðal 25 hershöfðingjar sem tengjast margir hverjir öfgahægriöflum. Í bréfinu segja þeir að öfgasinnaðir íslamistar séu á góðri leið með að steypa Frakklandi út í borgarastyrjöld sem muni verða mörg þúsund manns að bana.

„Staðan er alvarleg. Frakkland er í hættu,“ segir í bréfinu. Í því eru núverandi og fyrrverandi ríkisstjórnir gagnrýndar fyrir „aðgerðaleysi“ gagnvart múslímskum innflytjendur sem hafi fengið að taka völdin í úthverfum stóru borganna. Í bréfinu er úthverfunum lýst sem svæðum þar sem venjulegir Frakkar þora ekki lengur að láta sjá sig og þar sem franskar venjur og siðir gildi ekki lengur. „Þetta getur endað með að starfandi hermenn neyðist til að takast hættulegt verkefni á hendur til að verja menningu okkar,“ segir í bréfinu.

Bréfið var birt 21. apríl en sú dagsetning var engin tilviljun því þann dag árið 1961 reyndi herinn að ræna völdum og bola Charles de Gaulle forseta frá völdum að sögn BBC.

Bréfið hefur vakið upp heitar umræður í Frakklandi en lítill stuðningur er hins vegar við að herinn eigi að gegna stærra hlutverki. Almenn samstaða virðist vera um að eitthvað sé að í Frakklandi, dæmi um það eru mótmæli kennd við gulu vestin og andstaða og mótmæli gegn breytingum á lífeyriskerfum, en það er líka almenn andstaða við að herinn eigi að koma að stjórn landsins.

Ríkisstjórnin tók bréfinu ekki vel og Florence Parly, varnarmálaráðherra, hótaði að láta draga starfandi hermenn og liðsmenn varaliðsins fyrir herrétt með tilheyrandi viðurlögum. Samkvæmt frönskum lögum mega hermenn ekki tjá sig opinberlega um stjórnmál eða trúmál.

Marine Le Pen, leiðtogi hægrimanna, var hins vegar ánægð með bréfið og sagði í samtali við France Info að hún væri sammála þeirri lýsingu sem kemur fram í því á vandamálum Frakklands með „löglaus svæði, afbrot, sjálfshatur og afneitun leiðtoga okkar á ættjarðarást“.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hvað varð um hana? Hvarf sporlaust á ferðalagi með unnustanum og hann vill ekki segja mikið

Hvað varð um hana? Hvarf sporlaust á ferðalagi með unnustanum og hann vill ekki segja mikið
Pressan
Í gær

Étinn af krókódíl þegar hann fór heim til sín

Étinn af krókódíl þegar hann fór heim til sín
Pressan
Fyrir 2 dögum

Eldfimar afhjúpanir í nýrri bók um Trump – „Er einhver í Hvíta húsinu sem gerir annað en að kyssa feitan rass hans?“

Eldfimar afhjúpanir í nýrri bók um Trump – „Er einhver í Hvíta húsinu sem gerir annað en að kyssa feitan rass hans?“
Pressan
Fyrir 2 dögum

Banna konum að æfa ef þær eru aðeins í íþróttabrjóstahaldara að ofan

Banna konum að æfa ef þær eru aðeins í íþróttabrjóstahaldara að ofan
Pressan
Fyrir 3 dögum

Grikkir biðja ESB um stuðning til að verjast ágangi afganskra flóttamanna

Grikkir biðja ESB um stuðning til að verjast ágangi afganskra flóttamanna
Pressan
Fyrir 3 dögum

Lögðu hald á 1,5 tonn af kókaíni í lystisnekkju undan strönd Englands

Lögðu hald á 1,5 tonn af kókaíni í lystisnekkju undan strönd Englands