fbpx
Laugardagur 15.maí 2021
Pressan

Inntökuathöfnin varð tvítugum manni að bana

Kristján Kristjánsson
Þriðjudaginn 4. maí 2021 05:25

Stone Foltz. Mynd:GoFundMe

Ekki missa af Helstu tíðindum dagsins í pósthólfið þitt

Lesa nánar

Í byrjun mars fannst Stone Foltz, 20 ára, meðvitundarlaus í íbúð sinni í Ohio í Bandaríkjunum. Það voru meðleigjendur hans sem fundu hann. Daginn áður hafði hann tekið þátt í inntökuathöfn í bræðralagið Pi Kappa Alpha í Bowling Green State háskólanum.

Samkvæmt frétt NBC News hafa átta félagar í bræðralaginu nú verið kærðir fyrir aðild að andláti Foltz. Þeir eru grunaðir um manndráp af gáleysi og að hafa spillt sönnunargögnum.

Saksóknarar segja að áttmenningarnir hafi látið Foltz og aðra sem reyndu að komast inn í bræðralagið fá 0,75 lítra áfengisflöskur og skipað þeim að tæma þær yfir kvöldið. Foltz tæmdi næstum því úr flöskunni og var svo ölvaður að félagar í bræðralaginu urðu að aðstoða hann við að komast heim. Þar skildu þeir hann eftir ósjálfbjarga.

Daginn eftir fannst hann meðvitundarlaus og komst aldrei aftur til meðvitundar. Hann lést þann 7. mars.

Paul A. Dobson, saksóknari, sagði í síðustu viku að inntökuathöfnin hafi endað með skelfingu og að áttmenningarnir hafi verið kærðir fyrir sinn þátt í málinu. Cory og Shari Foltz, foreldrar hins látna, sögðust þakklát fyrir að málið hafi verið tekið til rannsóknar og að áttmenningarnir verði dregnir til ábyrgðar.

Háskólayfirvöld hafa nú bannað starfsemi Pi Kappa Alpha.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ný sönnunargögn gegn manninum sem grunaður er um að hafa myrt Madeleine McCann

Ný sönnunargögn gegn manninum sem grunaður er um að hafa myrt Madeleine McCann
Pressan
Fyrir 2 dögum

Bandaríkjastjórn vill herða tökin á „draugavopnum“

Bandaríkjastjórn vill herða tökin á „draugavopnum“
Pressan
Fyrir 4 dögum

NASA gagnrýnir Kínverja fyrir ábyrgðarleysi í geimnum

NASA gagnrýnir Kínverja fyrir ábyrgðarleysi í geimnum
Pressan
Fyrir 4 dögum

Segir indversku ríkisstjórnina hafa klúðrað góðum árangri í baráttunni við kórónuveiruna

Segir indversku ríkisstjórnina hafa klúðrað góðum árangri í baráttunni við kórónuveiruna