fbpx
Miðvikudagur 12.maí 2021
Pressan

Alvarlegt ástand í miðhluta Svíþjóðar – „Við höfum aldrei áður upplifað þetta í faraldrinum“

Kristján Kristjánsson
Þriðjudaginn 27. apríl 2021 07:55

Mynd:Getty

Ekki missa af Helstu tíðindum dagsins í pósthólfið þitt

Lesa nánar

Í miðhluta Svíþjóðar, Västernorrland, er glímt við langvarandi bylgju kórónuveirufaraldursins. Sífellt fleira ungt fólk er lagt inn á sjúkrahús og fjöldi nýrra smita er svo mikill að óttast er að heilbrigðiskerfið verði fyrir mjög langvinnu álagi.

Fyrir nokkrum dögum sögðu heilbrigðisyfirvöld að álagið á sjúkrahúsin þrjú í landshlutanum væri „á barmi hörmunga“. Ef ekki færi að draga úr fjölda innlagna myndu sjúkrahúsin yfirfyllast en nú þegar hefur verið dregið úr umönnun og meðferðum annarra sjúklinga til að hægt sé að annast kórónuveirusmitað fólk.

„Við höfum aldrei áður upplifað þetta í faraldrinum,“ sagði Petra Lindstedt, svæðisstjóri hjá heilbrigðisyfirvöldum, í fréttatilkynningu sem var send út með hvatningu til fólks um að fara eftir leiðbeiningum yfirvalda um sóttvarnir, það er að hætta að umgangast annað fólk en það sem það býr með og gera allt sem í þeirra valdi stendur til að forðast smit.

Samkvæmt samantekt The Economist er Västernorrland nú það landsvæði í Evrópu sem glímir við versta ástandið af völdum heimsfaraldursins. Smit eru 654 á hverja 100.000 íbúa, miðað við síðustu sjö daga. Samkvæmt upplýsingum frá heilbrigðisyfirvöldum liggja 14 COVID-19 sjúklingar nú á gjörgæslu. Í síðustu viku greindust 1.569 smit í landshlutanum og hafa aldrei verið fleiri á einni viku.

Verst er ástandið í Örnsköldsvik að sögn Aftonbladet sem hefur eftir Mariell Christiensson, yfirmanni COVID-deildar Örnsköldsvik sjúkrahússins, að álagið hafi verið mikið mánuðum saman og það taki á. „Við erum rosalega þreytt.“ Ákveðið hefur verið að öll kennsla í framhaldsskólum og háskólum í Örnsköldsvik fari fram á netinu þrátt fyrir að kennsla megi fara fram á hefðbundinn hátt samkvæmt leiðbeiningum yfirvalda sem gilda á landsvísu. Ástæðan er að mikið hefur verið um smit í framhaldsskólum. Bæjaryfirvöld segja að flest smitin eigi sér stað hjá fólki á aldrinum 15 til 19 ára en einnig hefur smitum fjölgað að undanförnu hjá fólki á fimmtugs- og sextugsaldri. Heilbrigðisstarfsfólk segir að sífellt fleiri úr eldri aldurshópunum glími við öndunarörðugleika og séu lagðir inn á sjúkrahús.

„Þeir sem eru lagðir inn núna eru í lífshættu og miklu yngri en áður. Margir eru fæddir á áttunda og níunda áratugnum. Þeir koma oft hingað og eru mjög hræddir því sjúkdómurinn veldur því að manni finnst eins og maður sé að drukkna og nái ekki andanum,“ er haft eftir Magnus Enlund, yfirlækni á COVID-19 gjörgæsludeild sjúkrahússins í Sundsvall, á heimasíðu yfirvalda í landshlutanum.

Það er breska afbrigði veirunnar sem er ráðandi í landshlutanum. Um 11% íbúa landshlutans hafa lokið bólusetningu og 32% hafa fengið að minnsta kosti einn skammt af bóluefni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda

Skelfilegt ástand á Indlandi – Starfsfólk í líkbrennslum og grafreitum trúir ekki dánartölum yfirvalda
Pressan
Fyrir 2 dögum

Samband Bill og Melinda Gates – „Hún átti aðra kærasta“

Samband Bill og Melinda Gates – „Hún átti aðra kærasta“
Pressan
Fyrir 2 dögum

Ný rannsókn – Amazonskógurinn losar meira koltvíildi en hann tekur í sig

Ný rannsókn – Amazonskógurinn losar meira koltvíildi en hann tekur í sig
Pressan
Fyrir 3 dögum

Proud Boys leggja upp laupana í Kanada

Proud Boys leggja upp laupana í Kanada
Pressan
Fyrir 3 dögum

Dýrkeypt aðstoð við Bandaríkjamenn – Hefur setið í einangrun í tíu ár

Dýrkeypt aðstoð við Bandaríkjamenn – Hefur setið í einangrun í tíu ár
Pressan
Fyrir 4 dögum

Borgaryfirvöld í Amsterdam vilja breyta ímynd borgarinnar – Ætla að reisa risastórt vændishús

Borgaryfirvöld í Amsterdam vilja breyta ímynd borgarinnar – Ætla að reisa risastórt vændishús